Ration Card Update : रेशन कार्डवर तुमचा मोबाईल नंबर काही मिनिटांत करा अपडेट; संपूर्ण प्रक्रिया घ्या जाणून

त्यामुळे शिधापत्रिकेवर तुमचा अधिकृत मोबाईल नंबर नोंदविणे फार महत्त्वाचे आहे. जर तुमच्या शिधापत्रिकेमध्ये जुना किंवा चुकीचा मोबाईल नंबर असेल, तर तुम्हाला अनेक अडचणींचा सामना करावा लागतो.

शिधापत्रिकेवरील रजिस्टर मोबाईल नंबरवर काही वेळा OTP येतो. जर नंबर अपडेट केला नसेल, तर तो OTP येणार नाही आणि तुम्हाला सरकारी योजनांचा लाभही घेता येणार नाही, त्यामुळे शिधापत्रिकेवर चुकीचा किंवा बंद असलेला मोबाईल नंबर असेल, तर तो लगेच अपडेट करणे गरजेचे आहे.

आम्ही तुम्हाला आठ सोप्या पायऱ्या सांगणार आहोत, ज्यांच्या मदतीने तुम्ही शिधापत्रिकेवरील तुमचा मोबाईल नंबर सहजपणे अपडेट करू शकता. आता हे सर्व काम ऑनलाइन झाल्यामुळे शिधापत्रिकेवरील मोबाईल नंबर अपडेट करण्यासाठी तुम्हाला कुठेही जाण्याचा त्रास घ्यावा लागणार नाही. फक्त आठ स्टेप्स फॉलो करुन तुम्ही शिधपत्रिकेवरील तुमचा मोबाईल नंबर अपडेट करू शकता.

त्यासाठी प्रत्येक राज्याची स्वतःची वेबसाइट आहे. त्यामुळे तुम्हाला त्या त्या वेबसाइटवर जाऊन, तुमची शिधापत्रिका करावे लागेल. दिल्लीच्या वेबसाइटचे उदाहरण देत आम्ही तुम्हाला ही अपडेटची प्रक्रिया समजावून सांगतो.

शिधापत्रिकेवर मोबाईल नंबर कसा अद्ययावत करायचा?

१) सर्वप्रथम National Food Security Portal च्या वेबसाइटवर जा, ती वेबसाइट- nfs.delhi.gov.in अशी आहे.

२) वेबसाइटवर ‘Citizen’s Corner’ नावाचा सेक्शन आहे, तिथे जाऊन ‘Register/Change of Mobile No.’ वर क्लिक करा.

3) त्यानंतर स्क्रीनवर एक नवीन पेज दिसेल.

४) आता घरातील प्रमुखाचा NFS आयडी टाका. जर तो नसेल, तर तुमचा आधार क्रमांक टाकला तरी चालेल.

५) आता येथे तुमचा शिधापत्रिका क्रमांक टाका.

६) शिधापत्रिकेवर ज्या घरातील प्रमुखाचे नाव लिहिलेले आहे, त्याचे नाव टाका.

७) आता सर्वांत महत्त्वाची पायरी येते; येथे तुमचा नवीन मोबाईल नंबर टाका. नंतर ‘Save’ पर्यायावर क्लिक करा.

८) आता तुमचा नवीन मोबाईल नंबर तुमच्या शिधापत्रिकेवर अद्ययावत केला जाईल.

इंटरनेटशिवायही शिधापत्रिकेवर करा मोबाईल नंबर अपडेट

जर तुम्हाला शिधापत्रिकेवरील मोबाईल नंबर ऑनलाइन अपडेट करण्यात अडचणी येत असतील, तर हे काम तुम्ही ऑफलाइनदेखील करू शकता. तुम्हाला थेट अन्न विभागात जाऊन तुमचा अर्ज सादर करावा लागेल. त्याचबरोबर शिधापत्रिका आणि आधार कार्डाच्या फोटोकॉपीही द्याव्या लागणार आहेत. त्यानंतर काही दिवसांत तुमचा मोबाईल नंबर आधार कार्डासह अद्ययावत होईल.