बापरे! दारूच्या नशेत गाडी घेऊन थेट रेल्वे रुळावर पोहोचला, VIDEO मध्ये पाहा पुढे नेमकं काय घडलं…

दारूच्या नशेत रेल्वे ट्रॅकवर चालवली गाडी

एका व्यक्तीने दारूच्या नशेत ५० मीटरपर्यंत रेल्वे ट्रॅकवर आपली कार चालवली. गाडी रुळांवर अडकल्यानंतर रेल्वे अधिकाऱ्याच्या लक्षात आले आणि त्यांनी चालकाकडे धाव घेतली.

रेल्वे रुळावर गाडी अडकून राहिल्याने रेल्वे अधिकारी कारजवळ आले आणि चालकाला याबद्दल विचारणा केली. रेल्वे अधिकारी म्हणाला, “तुम्हाला माहित आहे का की, तुम्ही फाटकवरून किती दूर आला आहात”.

यावर चालक म्हणला, “गाडी स्पीडमध्ये होती.” यावर संतप्त होऊन अधिकारी म्हणाला, “असली कसली स्पीड, या स्पीडमध्ये गाडी चालवलीस तर अपघात होऊ शकतो.”

यानंतर अधिकाऱ्याने चालकाला आणि कारमधील इतर माणसांना बाहेर येण्यास सांगितले. तसंच “तुम्ही इतक्या स्पीडमध्ये आलात की, मला वाटतं, फाटकचा दरवाजा बंद असता तर तो तोडून तुम्ही आला असता.” असंही रेल्वे अधिकारी चालकाला म्हणाला.

गाडी रुळावर अडकून राहिल्याने अपघात टाळण्यासाठी मालगाडी ३५ मिनिटे थांबवण्यात आली. रेल्वे अधिकाऱ्यांनी रेल्वे पोलिसांना सूचना दिली मात्र चालक आणि चार प्रवासी आधीच घटनास्थळावरून निघून गेले होते. तसंच क्रेन वापरून कार काढण्यात आली आणि नंतर अधिकाऱ्यांनी चालकाला ताब्यात घेऊन कार ताब्यात घेतली. ही घटना ८ फेब्रुवारी रोजी अमरोहा उत्तर प्रदेश येथे घडली.

इन्स्टाग्रामवर व्हायरल झालेला हा व्हिडीओ @brut.india या अकाउंटवरून शेअर करण्यात आला असून “दारूच्या नशेत असलेल्या एका चालकाने त्याची गाडी चालवत थेट रेल्वे रुळावर आणली” अशी कॅप्शन देण्यात आली आहे. व्हिडीओ व्हायरल होताच याला तब्बल २.८ व्ह्युज आले आहेत.

युजर्सच्या प्रतिक्रिया

सोशल मीडियावरील हा व्हिडीओ पाहून अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “कोणत्या प्रकारचा नशा करतात हे लोक” तर दुसऱ्याने “” अशी कमेंट केली. तर एकजण कमेंट करत म्हणाला, ” त्याने ट्रेनमधील सर्व लोकांचा जीव धोक्यात घातला आहे. त्याचा परवाना कायमचा निलंबित करा आणि त्याला तुरुंगात टाका.”