Shocking video: सासू-सुनेचं नातं हे जरा आंबट-गोडचं असतं. यात कधी वाद, तंटे, रुसवे-फुगवे आणि प्रेम, काळजी अशा सर्वच गोष्टी घडून येत असतात. सासू सुनेच्या नात्यावर आजवर अनेक मालिका आणि चित्रपट बनले आहेत. यात बऱ्याच एक क्रूर सासू आणि सासूचा जाच निमुटपणे सहन करणारी सून दाखवली जाते पण खऱ्या आयुष्यात मात्र सासू-सुनेचं हे चित्र बरंच बदलून आल्याचं आजकाल दिसून येत आहे. आता सासू सुनेवर नाही तर घरातील सुनाच सासवांवर दमदाटी करू लागल्या आहेत आणि अशीच एक घटना सध्या सोशल मीडियावर व्हायरल झाली आहे ज्यात एका सुनेने आपल्या सासूला बेदम मारहाण केल्याचे दिसून आले आहे. यावेळी सासूची अवस्था पाहून तुम्हालाही दया येईल..
पंजाबच्या गुरदासपुर येथील ही घटना असून, आरोपी हरजीत कौर आपल्या सासूला हाताने आणि स्टीलच्या ग्लासने मारहाण करताना दिसत आहे. एवढेच नाही तर, ही महिला आपल्या सासूचे केस खेचत शिवीगाळ करतानाही दिसत आहे. या व्हिडिओमध्ये संबंधित सुनेचा मुलगा, चरतवीर सिंह, पंजाबीमध्ये “मम्मा, ना करा, ना करा”, असे म्हणताना दिसत आहे. मात्र, हरजीत त्याकडे दुर्लक्ष करते.पोलिसांना दिलेल्या तक्रारीनुसार, विधवा गुरबजन कौर यांनी म्हटले आहे की, हरजीत त्यांच्यावर सर्व संपत्ती आपल्या नावावर करण्यासाठी दबाव टाकते. तसेच, चरतवीरनेही म्हटले आहे की, त्याची आई नशेत अनेकदा त्याच्या आजीला मारहाण आणि शिवीगाळ करते. एवढेच नाही तर, आपल्याला आणि आपल्या वडिलांनाही मारहाण करते, असेही त्याने म्हटले आहे. मिळालेल्या माहितीनुसार, ही घटना रविवारी घडली. हरजीत कौरने आपल्या सासूला, तिच्यासोबत झालेल्या मारहाणीचा व्हिडिओ बनवताना पकडले.
घरगुती भांडणातून वादावादीच्या घटना घडणं हे सामान्य आहे. पण हे प्रकरण हाणामारी पर्यंत गेले तर तो चिंतेंचा विषय बनतो. सासू सूनेचं भांडण याला अपवाद नाही. सासू-सुनेचे वाद नेमक्या कोणत्या घरात नसतात? घर म्हटल्यावर माणसं आणि वाद हे आलेच. पण त्यातून आपल्यापेक्षा वयाने दुप्पट असलेल्या व्यक्तीच्या कानशिलात लगावणे हा कुठला न्याय?वृद्ध सासूला प्रतिक्रार करता येईल अशीही परिस्थिती दिसत नाही त्यामुळे हतबल झालेल्या सासूला अशाप्रकारे मारहाण करणं कितपत योग्य असा सवाल आता नेटकरी करत आहेत.
पाहा व्हिडीओ
सोशल मीडियावर हा व्हिडीओ @rajgarh_mamta1 नावाच्या इन्स्टाग्राम अकाऊंटवरुन शेअर करण्यात आला असून व्हिडीओ पाहून नेटकरीही यावर टीका करत आहेत