Man Tries To Open Plane Door Video Viral : क्रोएशियाच्या जदरच्या रयानएअरच्या फ्लाईटमध्ये एक धक्कादायक घटना घडली. इंग्लंडच्या एका २७ वर्षीय तरुणाने विमानाने उड्डाण घेतल्यानंतर दरवाजा उघडण्याचा प्रयत्न केला. त्यानंतर सर्वच प्रवाशांमध्ये भीतीचं वातावरण पसरलं होतं. या भयानक घटनेनंतर त्या तरुणाला अटक करण्यात आली आहे. या घटनेचा व्हिडीओ सोशल मीडियावर प्रचंड व्हायरल झाला आहे. रयानएअरचे विमान प्रवाशांनी खचाखच भरले असताना एक प्रवासी सीटवरून अचानक उठला आणि दरवाजा उघडण्याचा प्रयत्न करु लागला. हा संपूर्ण प्रकार कॅमेरात कैद झाला असून व्हिडीओ ट्वीटरवर शेअर करण्यात आला आहे.
विमानातील प्रवासी दरवाजा उघडा असं जोरजोरात ओरडू लागल्याने एकच खळबळ उडाली. त्यानंतर दोन प्रवाशांनी त्या तरुणाला पकडलं आणि खाली पाडलं. विमान रनवेवरून जात असताना लंडनसाठी उड्डाण घेण्याच्या तयारीत होता. त्यावेळी ही धक्कादायक घटना घडली. हिडआऊट क्रोएशिया संगीत समारंभाच्या कार्यक्रम पार पाडून अनेक प्रवासी विमानात दाखल झाले होते. हा कार्यक्रम पाग बेटावर आयोजित करण्यात आला होता.
नक्की वाचा – सावधान! समुद्र किनाऱ्यावर फिरायला जाताय? मग ‘हा’ धक्कादायक Video एकदा पाहाच
इथे पाहा व्हिडीओ
दरम्यान, विमानाचा दरवाजा उघडण्याचा प्रयत्न करणाऱ्या त्या प्रवाशाला रुग्णालयात उपचारासाठी दाखल करण्यात आले होते. एका अधिकाऱ्याला मारहाण केल्याप्रकरणी त्या तरुणाला अटक करण्यात आलीय. एअरलाईनच्या एका प्रवक्त्याने या प्रकरणाबाबत प्रतिक्रिया देताना म्हटलं, जादरहून लंडन स्टॅनस्टेड (३० जून) विमान टेक-ऑफ करण्याच्या तयारीत होतं. त्याचदरम्यान प्रवाशाच्या गोंधळामुळं विमान थांबवण्यात आलं. त्यानंतर स्थानिक पोलिसांनी त्या प्रवाशाला अटक केली. त्यानंतर विमान प्रवास पुन्हा सुरु करण्यात आलं.