अमरावती-सुरत महामार्ग विस्तारीकरणाचे काम सुरू झाले असून त्यासाठी ३१ जानेवारी पर्यंत भूसंपादन करण्याची सूचना जिल्हाधिकारी ओमप्रकाश बकोरीया यांनी दिली आहे. महामार्ग चौपदरीकरणाच्या आढावा बैठकीत ते बोलत होते. या वेळी सहाय्यक जिल्हाधिकारी तथा उपविभागीय अधिकारी सुमन रावत, निवासी उपजिल्हाधिकारी गोविंद दाणेज उपस्थित होते. रस्त्यांची कामे करताना दूरध्वनिच्या भूमीगत वायरी, रस्त्यांलगत असलेल्या गावांमधील बांधकाम, रस्त्यावरील वृक्ष, या सर्वाचे सव्‍‌र्हेक्षण करून त्यासाठी आवश्यक निधी, यासंबंधीचा नियोजन आराखडा तयार करून तत्काळ सादर करावा, असेही बकोरीया यांनी निर्देश दिले.