दुधाचा टँकर उलटून सहा विद्यार्थी जखमी

दुधाचा टँकर पलटी झाल्याने सहा विद्यार्थी जखमी झाले. हा अपघात सावर्डे (ता.पन्हाळा) येथे झाला. जखमी विद्यार्थ्यांवर कोल्हापुरातील छत्रपती प्रमिलाराजे रुग्णालयात उपचार सुरू आहेत.    सावर्डे येथील सुमारे २० मुले एका दुधाच्या टँकरमधून शाळेला जात होती. रस्त्यामध्ये टँकर पलटला. सुदैवाने फार मोठी हानी झाली नाही. सर्व विद्यार्थ्यांना सर्व विद्यार्थ्यांना छत्रपती प्रमिलाराजे रुग्णालयात आणण्यात आले. डॉक्टरांनी त्यांची तपासणी केली. किरकोळ जखमी झालेल्या विद्यार्थ्यांना घरी पाठविण्यात आले. सहा जणांना इस्पितळात दाखल करण्यात आले असून त्यांच्यावर उपचार सुरू आहेत.