राष्ट्रीय सहकार धोरणासाठी सुरेश प्रभू यांच्या अध्यक्षतेखाली मसुदा समिती

सहकार क्षेत्रातील तज्ज्ञ, राष्ट्रीय, राज्य, जिल्हा आणि प्राथमिक सहकारी संस्थांचे प्रतिनिधी, राज्ये/केंद्रशासित प्रदेशांचे सहकार-सचिव आणि सहकारी संस्थांचे निबंधक आणि केंद्रीय मंत्रालय, विभागांचे अधिकारी, यांचा समावेश असलेल्या मसुदा समितीची केंद्रीय सहकारमंत्री अमित शहा यांनी घोषणा केली. नवीन राष्ट्रीय सहकार धोरण लवकरच तयार केले जाईल ज्याता सर्वात तळाला असणाऱ्या प्राथमिक कृषी पतसंस्थांपासून वरच्या दिशेने सर्वसमावेशी दृष्टिकोन असेल, असे शहा यांनी अलीकडेच जाहीर केले होते. सहकारविषयक विद्यमान राष्ट्रीय धोरण २००२ मध्ये तयार करण्यात आले.