Dainik Rashi Bhavishya In Marathi, 15 June 2025 : १५ जून २०२५ रोजी जेष्ठ महिन्याच्या शुक्ल पक्षातील चतुर्थी तिथी आहे. चतुर्थी तिथी दुपारी ३ वाजून ४७ मिनिटांपर्यंत राहील, त्यानंतर चतुर्थी तिथी सुरु होईल. दुपारी १२ वाजून १९ मिनिटांपर्यंत इंद्र योग जुळून येईल. रात्री १ पर्यंत श्रवण नक्षत्र जागृत असेल. राहू काळ ४:३० वाजता सुरु होईल ते ६ वाजेपर्यंत असणार आहे. रविवारी कोणत्या राशीच्या आयुष्यात कसं सुख मिळणार हे जाणून घेऊया…

१५ जून २०२५ पंचांग व राशिभविष्य ( Daily Horoscope In Marathi, 15 June 2025)

दैनिक मेष आजचे राशिभविष्य (Dainik Aries Horoscope In Marathi)

नवीन कामाचा बोझा अंगावर पडू शकतो. उत्तम कौटुंबिक सौख्य लाभेल. बोलण्यातून इतरांची मने जिंकून घ्याल. आर्थिक कमतरता भरून निघेल. मानसिक चंचलता दूर करावी.

दैनिक वृषभ आजचे राशिभविष्य (Dainik Taurus Horoscope In Marathi)

मनाजोगी खरेदी करता येईल. जीवनाकडे आनंदी दृष्टिकोनातून पहाल. उत्तम वैवाहिक सौख्य लाभेल. चारचौघांना प्रेमाने आपलेसे कराल. व्यावसायिक लाभाने सुखावून जाल.

दैनिक मिथुन आजचे राशिभविष्य (Dainik Gemini Horoscope In Marathi)

कामाचा व्याप वाढू शकतो. भावंडांची जबाबदारी अंगावर पडेल. अती कामामुळे बौद्धिक ताण जाणवेल. गोष्टी एकाच जागी खिळून पडल्यासारख्या वाटतील. क्षणिक मोहाला बळी पडू नका.

दैनिक कर्क आजचे राशिभविष्य (Dainik Cancer Horoscope In Marathi)

जवळच्या मित्रमैत्रिणींची गाठ पडेल. बर्‍याच दिवसांची इच्छा आज पूर्ण होईल. मानापमानाच्या प्रसंगांनी डगमगू नका. धार्मिक ग्रंथांचे वाचन कराल. सामाजिक सेवेत हातभार लावाल.

दैनिक सिंह आजचे राशिभविष्य (Dainik Leo Horoscope In Marathi)

शेअर्स मधून चांगला लाभ होऊ शकतो. वडिलोपार्जित कामांमधून आर्थिक मान वाढेल. जोडीदाराशी मतभेदाचे प्रसंग येऊ शकतात. मनातील भलते सलते विचार काढून टाका. तुमच्यातील छुपे कलागुण सर्वांसमोर येतील.

दैनिक कन्या आजचे राशिभविष्य (Dainik Virgo Horoscope In Marathi)

जोडीदाराच्या प्रेमसौख्याला बहार येईल. मैत्रीचे संबंध अधिक घनिष्ट होतील. नियमांचे उल्लंघन करून चालणार नाही. पित्त विकारात वाढ संभवते. हातापायाला किरकोळ दुखापत होऊ शकते.

हेही वाचा

दैनिक तूळ आजचे राशिभविष्य (Dainik Libra Horoscope In Marathi)

क्षुल्लक गोष्टींवरून चीडचीड कराल. मुलांची बाजू समजून घेण्याचा प्रयत्न करा. तुमच्यातील कौशल्य पणाला लागेल. जुगाराची आवड पूर्ण कराल. आळस झटकून कामे करावी लागतील.

दैनिक वृश्चिक आजचे राशिभविष्य (Dainik Scorpio Horoscope In Marathi)

जमिनीच्या कामातून काही प्रमाणात लाभ होईल. वरिष्ठांशी मतभेदाचे प्रसंग टाळावेत. शांत व संयमी विचार करावा. आपली संगत एकवार तपासून पहावी.

दैनिक धनू आजचे राशिभविष्य (Dainik Sagittarius Horoscope In Marathi)

जवळचा प्रवास तूर्तास टाळावा. समोरील कामे आधी पूर्ण करावीत. जोडीदाराशी क्षुल्लक कारणांवरून खटका उडू शकतो. घरगुती कामात दिवसभर गुंतून पडाल. काही खर्च अचानक सामोरे येतील.

दैनिक मकर आजचे राशिभविष्य (Dainik Capricorn Horoscope In Marathi)

क्षुल्लक अपयशाने खचून जाऊ नका. घराबाहेर वावरतांना मौल्यवान वस्तु सांभाळाव्यात. आर्थिक गुंतवणूक करताना फसवणुकीपासून सावध रहा. मानसिक शांततेसाठी ध्यानधारणा करावी. जवळचा प्रवास मजेत पार पडेल.

दैनिक कुंभ आजचे राशिभविष्य (Dainik Aquarius Horoscope In Marathi)

हलका व सकस आहार घ्यावा. वादाचे प्रसंग चिघळू शकतात. जोडीदाराशी समजुतीने वागावे लागेल. नवीन मित्र जोडण्याचा प्रयत्न करावा. कौटुंबिक गोष्टीपासून दूर राहू नका.

दैनिक मीन आजचे राशिभविष्य (Dainik Pisces Horoscope In Marathi)

दिवस आपल्या मर्जीप्रमाणे व्यतीत कराल. उत्तम वाहन सौख्य लाभेल. कामे जलद गतीने पूर्ण करण्यावर भर द्या. मुलांचा हट्ट पुरवावा लागेल. आवडत्या कलेचा आनंद घ्याल.

ज्योतिषी विद्याधर करंदीकर