Shukra Gochar In Tula: ज्योतिषशास्त्रानुसार प्रत्येक ग्रहाचे ठराविक वेळेनंतर राशी परिवर्तन किंवा नक्षत्र परिवर्तन होते. ज्याचा शुभ प्रभाव काही राशींच्या व्यक्तींवर पाहायला मिळतो. सध्या धन, संपत्ती आणि भौतिक सुखाचा कारक ग्रह शुक्र तूळ राशीत भ्रमण करत असून यामुळे केंद्र त्रिकोण आणि मालव्य राजयोग निर्माण होत आहे. याच्या शुभ प्रभाव काही राशीच्या व्यक्तींवर पाहायला मिळेल. तसेच ३ ऑक्टोबर रोजी शारदीय नवरात्रीला सुरूवात होणार असून याचा शुभ प्रभाव अधिक पटीने वाढेल.
तीन राशींची होणार चांदी
मेष
मेष राशीच्या व्यक्तींसाठी केंद्र त्रिकोण राजयोग अनेक सकारात्मक लाभ देणारा ठरेल. या राशीच्या व्यक्तींना या काळात विशेष लाभ होईल. आयुष्यात मानसन्मान आणि कामाच्या ठिकाणी तुमचे वर्चस्व वाढेल. तुमच्या मनाप्रमाणे सर्व गोष्टी घडतील, त्यामुळे या काळात तुमच्या चेहऱ्यावर समाधान पाहायला मिळेल. जोडीदाराकडून आनंदी वार्ता मिळेल. कुटुंबाची आर्थिक परस्थिती अधिक मजबूत होईल. आयुष्यात आनंदी आनंद असेल.
कन्या
कन्या राशीच्या व्यक्तींसाठी केंद्र त्रिकोण राजयोग खूप शुभ परिणामकारक ठरेल. या काळात तुम्हाला सुख-समाधान प्राप्त होईल. आकस्मिक धनलाभ होण्याची दाट शक्यता आहे. करिअरमध्ये हवे तसे यश मिळवता येईल. नव्या कामाची सुरुवात होईल. कामातील अडथळे दूर होतील. या राशीच्या विद्यार्थ्यांना शैक्षणिक स्पर्धेत यश मिळेल. यावेळी तुमचे व्यक्तिमत्त्व सुधारेल. कामाच्या ठिकाणी दिले गेलेले लक्ष्य पूर्ण कराल. या काळात तुमचे वरिष्ठ तुमच्यावर खूश असतील. आईबरोबरचे नाते अधिक घट्ट होईल.
कुंभ
कुंभ राशीच्या व्यक्तींनाही केंद्र त्रिकोण राजयोगाचा विशेष लाभ होईल. या काळात भाग्याची पूरेपूर साथ मिळेल. अडकलेली कामे पूर्ण होतील. उत्पन्नाचे नवे मार्ग सापडतील. आर्थिक बाजू भक्कम होईल. कुटुंबातील जुने वाद मिटतील. नव्या नोकरीच्या शोधात असणाऱ्यांना नवी नोकरी मिळेल. वडिलोपार्जित संपत्तीत लाभ होतील. भौतिक सुखात वाढ होईल. कामाच्या निमित्ताने दूरचे प्रवास करावे लागतील. व्यवसायात आकस्मिक धनलाभ होतील. दूरचे प्रवास घडतील.
(टीप : वरील लेख प्राप्त माहितीवर आधारित आहे.)
© IE Online Media Services (P) Ltd