Mercury Transit 2025: हिंदू धर्मात श्रावण महिन्याला खूप पवित्र मानले जाते. या महिन्यात नागपंचमी, कृष्णाष्टमी, रक्षाबंधन हे सणही साजरे केले जातात. यंदा २९ जुलै २०२५ रोजी म्हणजेच श्रावण महिन्याच्या शुक्ल पक्षातील पंचमी तिथीला नागपंचमीचा सण साजरा केला जाईल. याच शुभ दिवशी बुध ग्रहाचे नक्षत्र परिवर्तनही होणार आहे.
पंचांगानुसार, बुध १५-२० दिवसानंतर त्याचे नक्षत्र परिवर्तन करतो. २९ जुलै रोजी बुध संध्याकाळी ४ वाजून १७ मिनिटांनी पुष्य नक्षत्रामध्ये प्रवेश करणार आहे. हे नक्षत्र शनीचे असून या नक्षत्राची देवता गुरू आहे. बुधाच्या या नक्षत्र परिवर्तनाने १२ पैकी काही राशींच्य व्यक्तींचे भाग्य चमकण्यास मदत होईल.
बुधाचे नक्षत्र परिवर्तन देणार बक्कळ पैसा
मिथुन (Mithun Rashi)
मिथुन राशीसाठी हे नक्षत्र परिवर्तन लाभकारी ठरेल. या काळात आर्थिक परिस्थिती उत्तम राहील आणि कुटुंबात आनंदाचे वातावरण असेल. नव्या नोकरीच्या शोधात असणाऱ्यांना नवी संधी मिळेल. अडकलेली कामे पूर्ण होतील. तुमचा आत्मविश्वास वाढेल. आयुष्यात सुख-समृद्धी वाढेल. कुटुंबीयांसोबत प्रवास घडेल. नोकरीत पदोन्नती मिळण्याची दाट शक्यता आहे.
सिंह (Singh Rashi)
सिंह राशीसाठी हे नक्षत्र परिवर्तन खूप अनुकूल सिद्ध होईल. या काळात गुंतवणूक करणे फायदेशीर ठरेल. स्पर्धा परीक्षेची तयार करणाऱ्यांनाही यशाचे गोड फळ लाभेल. फक्त मेहनत कायम ठेवा. अविवाहितांसाठी लग्नाचे अनेक प्रस्ताव येतील. नोकरी करणाऱ्यांना कामात सकारात्मक बदल दिसून येतील. कुटुंबीयांसोबत फिरायला जाल. या काळात तुमच्या मनातील सर्व इच्छा पूर्ण होतील.
तूळ (Tula Rashi)
तूळ राशीच्या व्यक्तींसाठी हा दिवस लाभदायी सिद्ध होईल. हा काळ तुमच्यासाठी सकारात्मक सिद्ध होईल. आत्मविश्वासात वाढ होईल. आनंदी वार्ता कानी पडतील. समाजात मानसन्मान वाढेल. या काळात आर्थिक परिस्थिती उत्तम राहील. आरोग्य तक्रारी बंद होतील. परदेशात जाण्याचे योग आहेत. मानसिक तणावातून मुक्त व्हाल. वैवाहिक जीवन सुखमय असेल.
धनु (Dhanu Rashi)
धनु राशीच्या व्यक्तींसाठी हे नक्षत्र परिवर्तन फायदेशीर ठरेल. या काळात तुमच्या अनेक समस्या दूर होतील. आनंदी राहाल. कुटुंबात शुभकार्य होतील. आध्यात्मिक आणि शैक्षणिक क्षेत्रात खूप प्रगती कराल. विद्यार्थ्यांसाठी हा काळ अत्यंत अनुकूल असेल. मनातील सर्व इच्छा पूर्ण होतील. कुटुंबात आनंदाचे वातावरण असेल.
(टीप: वरील लेख प्राप्त माहितीवर आधारित आहे.)