2026 Horoscope Predictions: २०२५ हे वर्ष संपायला आता केवळ २ महिने शिल्लक असून येणारे २०२६ हे नवीन वर्ष कसे असेल याची उत्सुकता अनेकांना आहे. ग्रह आणि नक्षत्रांच्या स्थितीवरून जग, देश आणि व्यक्तीच्या भविष्याबद्दल भाष्य केले जाते. अंकशास्त्रानुसार २०२६ वर सूर्य ग्रहाचे वर्चस्व असून या वर्षात नवग्रहातील ग्रहांचे राशी परिवर्तन, नक्षत्र परिवर्तन, नक्षत्र पद परिवर्तन, अस्त, वक्री, मार्गी अशा अनेक स्थिती पाहायला मिळतील. ग्रहांच्या या बदलणाऱ्या स्थितीमुळे १२ पैकी काही राशींच्या व्यक्तींवर शुभ तर काहींवर अशुभ प्रभाव पाहायला मिळेल. चला तर मग १२ राशींपैकी अशा कोणत्या राशी आहे ज्यांना २०२६ अत्यंत लाभदायी ठरेल.
२०२६ मध्ये ‘या’ राशींचे नशीब फळफळणार
मेष (Mesh Rashi)
येणारे नवीन वर्ष मेष राशीसाठी आनंदमय असेल. या वर्षात तुमच्या आयुष्यात आनंदी आनंद येईल. प्रत्येक क्षेत्रात मनासारखे यश मिळवाल. गुरूची दृष्टी तुमच्यावर असेल ज्यामुळे तुमची आर्थिक परिस्थिती उत्तम राहील. हे संपूर्ण वर्ष तुमच्या करिअरसाठी खूप चांगले जाईल. विद्यार्थ्यांसाठी देखील हे वर्ष अनुकूल असेल. नवीन घर किंवा वाहन खरेदी करू शकता.
मिथुन (Mithun Rashi)
मिथुन राशीसाठी २०२६ हे वर्ष खूप चांगले जाईल. या वर्षी तुमच्या आयुष्यात सुख, समृद्धी आणि शांती येईल. आर्थिक स्थिती उत्तम राहील. उत्पन्नाचे नवे मार्ग सापडतील. वैवाहिक जीवन सुखमय राहील. आत्मविश्वासात मोठ्या प्रमाणात वाढ होईल. आरोग्य चांगले राहील. कामाच्या ठिकाणी तुमच्या कामाचे कौतुक होईल. प्रमोशन मिळू शकते.
कन्या (Kanya Rashi)
२०२६ हे वर्ष कन्या राशीच्या लोकांसाठी खूप अनुकूल सिद्ध होईल. करिअरमध्ये भरपूर यश मिळेल. आयुष्यात प्रेम, पैसा आणि पद-प्रतिष्ठाही मिळेल. शत्रूंवर विजय मिळवाल. धार्मिक कार्यात मन रमेल. अर्धवट राहिलेली कामे पूर्ण होतील. अनेक मोठ्या आव्हानांवर मात कराल.