Shukra Margi 2023: वैदिक ज्योतिषशास्त्रानुसार ग्रह आपली स्थिती बदलतो तेव्हा त्याचा बारा राशींवर सकारात्मक आणि नकारात्मक परिणाम असतो. ग्रहमंडळातील शुक्र हा महत्त्वाच्या ग्रहांपैकी एक आहे. भौतिक सुख, प्रेम प्रकरणात शुक्र ग्रहाची महत्त्वाची भूमिका ठरते. ज्योतिषशास्त्रानुसार, शुक्र ग्रह कर्क राशीत ४ सप्टेंबर २०२३ रोजी मार्गी झाले आहेत. शुक्राच्या या थेट हालचालीचा भौतिक सुख, आनंद आणि वैवाहिक जीवनात तीन राशींना जबरदस्त फायदा होऊ शकतो. जाणून घेऊया कोणकोणत्या राशींवर शुक्र ग्रहाचा शुभ प्रभाव पडू शकतो.
‘या’ राशींचा भाग्योदयाचा काळ?
मिथुन राशी
शुक्राच्या हालचालीमुळे या राशीतील मंडळीचा प्रगतीचा मार्ग मोकळा होऊ शकतो. अनेक दिवसांपासून सुरू असलेले वाद-विवाद दूर होऊ शकतात. वडिलोपार्जित संपत्तीतून लाभाची संधी मिळू शकते. व्यावसायिकांसाठी हा काळ विशेषतः शुभ ठरु शकतो. या काळात आर्थिक लाभ होण्याची शक्यता आहे.
(हे ही वाचा : ११ ऑक्टोबरपासून कन्यासह ‘या’ राशींचे अच्छे दिन सुरु? बुधादित्य राजयोग बनल्याने होऊ शकताे अपार धनलाभ )
कन्या राशी
ज्योतिष शास्त्रानुसार कन्या राशीच्या लोकांना शुक्राच्या प्रत्यक्ष हालचालीमुळे विशेष फळ मिळू शकतो. या राशीतील लोकांच्या उत्पन्नात वाढ होण्याची शक्यता आहे. या काळात नोकरीत बदल होऊ शकतो. उच्च पद मिळू शकते. कुटुंबातील सदस्याकडून पैसे मिळू शकतात.
तूळ राशी
ज्योतिषशास्त्रानुसार तूळ राशीच्या लोकांना शुक्र प्रत्यक्ष असल्यामुळे अनुकूल परिणाम मिळू शकतात. या काळात उत्पन्नात वाढ होण्याची चिन्हे आहेत. बँक बॅलन्स वाढू शकतो. व्यवसायात तेजी येऊ शकते. जुनाट आजारांपासूनही आराम मिळू शकतो. या काळात नोकरीच्या शोधात असलेल्या लोकांना नवीन नोकरीच्या ऑफर मिळू शकतात.
(टीप: वरील लेख हा प्राप्त माहितीवर आधारित आहे)