Mahindra and Hyundai Cars Price Hike: सरकार वेळोवेळी वाहनांशी संबंधित नियम बदलत असते, तर अलीकडे म्हणजे १ एप्रिलपासून देशात कार्बन उत्सर्जनाचे नियम लागू करण्यात आले आहेत. ज्यानंतर अनेक वाहन निर्मात्यांनी त्यांच्या कारच्या किमती वाढवल्या आहेत, जिथे महिंद्रा आणि ह्युंदाईने त्यांच्या कारच्या किमती सर्वात आधी वाढवल्या आहेत. दुसरीकडे, ऑटोमेकर्सचे म्हणणे आहे की, कार्बन उत्सर्जन नियम लागू झाल्यानंतर, कारची इनपुट कॉस्ट वाढली आहे, कारण कारचे इंजिन रिअल ड्रायव्हिंग एमिशन (आरडीई) नुसार बनवावे लागते. त्यामुळे त्यांना कारच्या किमती वाढवाव्या लागल्या आहेत, अशा परिस्थितीत महिंद्रा आणि ह्युंदाईने त्यांच्या कारच्या किमती वाढवल्या आहेत.
महिंद्रा थारच्या नवीन किमती
महिंद्रा अँड महिंद्राने थारच्या पेट्रोल व्हर्जनमध्ये २८,२०० रुपयांची वाढ केली आहे, तर थारच्या LX AT 2WD HT व्हेरिएंटच्या किमती अपरिवर्तित ठेवल्या आहेत. यासोबतच थारचे डिझेल २८००० रुपयांवरून ५६००० रुपयांपर्यंत वाढले आहे.
(हे ही वाचा : Hyundai Creta चे धाबे दणाणले, देशात येतेय अपघात रोखणारं ADAS सेफ्टी फीचरसह Midsize SUV )
Mahindra XUV 700 नवीन किमती
महिंद्राने आपल्या प्रीमियम SUV कार XUV 300 आणि XUV 700 च्या किमती देखील वाढवल्या आहेत, जिथे महिंद्राने XUV 700 च्या पेट्रोल व्हेरियंटच्या किंमती ५५९०० ते ७५१०० रुपयांपर्यंत वाढवल्या आहेत. यासोबतच महिंद्राने XUV 300 च्या पेट्रोल व्हर्जनच्या किमती १४,००० ते १६,००० रुपयांनी वाढवल्या आहेत.
Hyundai Creta च्या नवीन किमती
नवीन उत्सर्जन मानदंड लागू केल्यानंतर, Hyundai ने देखील आपल्या अनेक कारच्या किमती वाढवल्या आहेत, जिथे Hyundai ने Creta, Venue, Alcazar कारच्या किमती वाढवल्या आहेत. दुसरीकडे, जर आपण Creta च्या नवीन किमतींबद्दल बोललो तर त्याच्या कॉम्पॅक्ट SUV च्या किमती ३००० रुपयांनी वाढल्या आहेत. यासोबतच इतर Hyundai कारच्या किमतींबद्दल बोलायचे झाले तर, TUCSON SUV ची किंमत सर्वात जास्त वाढवण्यात आली आहे, त्यानंतर या कारची किंमत २८.६३ लाख रुपयांऐवजी ३५.३१ लाख रुपयांपासून सुरू होईल.