आपल्याकडे गाडी असावी, असे प्रत्येकालाच वाटते. पण गाडीविषयी आपल्या सर्वांना संपूर्ण माहिती असणे आवश्यक आहे. गाडी चालवताना खूप सतर्क रहावं लागतं. गाडीमध्ये तीन गोष्टी खूप महत्त्वाच्या असतात. पहिला एक्सीलेटर, जो वाहनाचा वेग वाढवतो. दुसरा ब्रेक आहे, जो वाहन त्वरीत थांबवण्यासाठी वापरला जातो आणि तिसरा क्लच आहे, जो एक्सीलेटर आणि ब्रेक यांच्यातील दुवा म्हणून काम करतो. याशिवाय, कोणत्याही गीअरसह वाहनात एक्सीलेटर आणि ब्रेक अनावश्यक होतात. जर कार वेगात असेल तर तुम्ही कधीही क्लच दाबून ब्रेक लावू नका, हे ऐकले असेलच, पण याला असे का म्हणतात याचा कधी विचार केला आहे का, चला तर जाणून घेऊया या प्रश्नाचे उत्तर. क्लचचे नेमकं काम काय? गाडी चालवताना क्लचचा अनावश्यक वापर टाळावा. क्लचचा अधिक वापर केल्याने जास्त इंधन लागते. जिथे क्लचची गरज नाही तिथे अजिबात वापरू नका. नवीन ड्रायव्हर्स अनेकदा क्लचवर अधिक जोर देतात. यामुळे तुमची क्लच प्लेट देखील खराब होऊ शकते. यासाठी योग्य गीअर्स वापरा आणि गरज असेल तेव्हाच क्लच वापरा. (हे ही वाचा : Mahindra चा पुन्हा एकदा धमाका, जबरदस्त फीचर्ससह देशात लाँच केली ‘ही’ Edition, किंमत… ) क्लचचा वापर गियर गुंतण्यासाठी किंवा विलग करण्यासाठी केला जातो. कार, बाईक किंवा कोणत्याही वाहनात क्लचची भूमिका खूप महत्त्वाची असते. जर वाहनाचा क्लच नीट चालला नाही तर तुम्हाला गाडी चालवता येणार नाही. वाहनातील क्लचचे काम इंजिनमधून येणारी वीज खंडित करणे आहे. जर क्लच नीट काम करत नसेल तर इंजिनमधून येणारी पॉवर कट करणे कठीण होऊन गाडी सुरू करणे किंवा चालणारी गाडी थांबवणे कठीण होते. ब्रेक लावताना क्लच दाबल्यास 'असे' होणार नुकसान बहुतेक लोक क्लच दाबून ब्रेक लावतात. उच्च वेगाने आणि उतारावरून उतरताना असे करणे अत्यंत धोकादायक ठरू शकते. तुम्ही दुचाकीवरून असाल किंवा चारचाकी, पण अचानक तुम्ही क्लच दाबल्यास तुमच्या गाडीचा वेग अचानक ६०-७० पर्यंत जाऊ शकतो आणि ते हळूहळू वाढत जाईल. यासोबतच वाहनही नियंत्रणाबाहेर जाऊ शकते. कारण क्लच दाबल्याने गाडीची चाके गीअर्सच्या मजबूत पकडीतून पूर्णपणे सुटतात, त्यामुळे उतारावर असे केल्याने गाडीचा वेग वाढेल. तसेच या स्थितीत वाहनाचे ब्रेकही निकामी होऊ शकतात. हे तुमच्यासाठी फार धोकादायक ठरु शकते.
