टाटा मोटर्सची सर्वात स्वस्त कार Tiago हॅचबॅक भारतात खूप लोकप्रिय होत आहे. ही कार २०१६ मध्ये लाँच करण्यात आली होती आणि तेव्हापासून तिची विक्री सातत्याने वाढत आहे. आजपर्यंत टियागोच्या विक्रीने ५ लाख युनिट्सचा टप्पा ओलांडला आहे. टाटा मोटर्सने सांगितले की, त्यांच्या विक्रीतील शेवटची एक लाख वाहने अवघ्या १५ महिन्यांत विकली गेली आहेत. यावरून हे स्पष्ट होते की, टियागो कार खूप लोकप्रिय आहे आणि लोकांना ती खरेदी करायला आवडते.
टियागो कार पेट्रोल, सीएनजी आणि इलेक्ट्रिक व्हर्जनमध्ये उपलब्ध आहे. याशिवाय, Tiago NRG स्पोर्ट्स युटिलिटी व्हेईकल (SUV) देखील आहे, जे पेट्रोल आणि CNG दोन्ही आवृत्त्यांमध्ये उपलब्ध आहे. गेल्या आर्थिक वर्षात, टियागो कार खरेदी करणाऱ्या ७१ टक्के लोकांनी ही पहिली कार म्हणून खरेदी केली होती. टियागोची ६० टक्के विक्री शहरी बाजारपेठेत झाली आहे आणि उर्वरित ४० टक्के विक्री ग्रामीण बाजारात झाली आहे.
(हे ही वाचा : Maruti चे धाबे दणाणले, Renault नव्या अवतारात देशात दाखल करणार ‘ही’ स्वस्त कार, किंमत…)
किंमत आणि वैशिष्ट्ये
Tiago ची किंमत ५.६० लाख ते १२.०४ लाख रुपये आहे. Tiago कारमध्ये १.२ लिटर पेट्रोल इंजिन आहे जे CNG पर्यायामध्ये देखील उपलब्ध आहे. Tiago च्या पेट्रोल मॅन्युअल व्हेरियंटचे मायलेज १९.०१ kmpl आहे आणि पेट्रोल ऑटोमॅटिक व्हेरियंटचे मायलेज १९.२८ kmpl आहे. CNG मॅन्युअल व्हेरियंटचे मायलेज २७.२८ kmpl आहे तर CNG ऑटोमॅटिक व्हेरियंटचे मायलेज २३.८४ kmpl आहे. तसेच, टियागोची इलेक्ट्रिक आवृत्ती टिगोर ईव्ही म्हणून ओळखली जाते. Tiago EV चे मायलेज ३०६ kmpl पर्यंत आहे.
टियागो कार वैशिष्ट्यांच्या बाबतीतही खूप चांगली आहे. यामध्ये ABS, EBD, इलेक्ट्रिक विंडो ऑपरेशन, टचस्क्रीन इन्फोटेनमेंट सिस्टम, एअर कंडिशनिंग यांसारख्या वैशिष्ट्यांचा समावेश आहे. कार चांगले मायलेज, वैशिष्ट्ये आणि सुरक्षा वैशिष्ट्यांसह येते ज्यामुळे ती एक उत्तम पर्याय बनते.
काय आहे डायमेंशन?
Tata Tiago ला २४००mm चा व्हीलबेस मिळतो. या कारची रुंदी १६७७ मिमी, लांबी ३७६५ मिमी आणि उंची १५३५ मिमी आहे.