हळदीचे १०० कोटी डॉलरचे निर्यातलक्ष्य

हेही वाचा >>> रुपयाच्या अवमूल्यनामुळे परदेशातून कर्ज उभारणी महाग

तेलंगणाच्या निजामाबादमध्ये राष्ट्रीय हळद मंडळाच्या उद्घाटनानंतर प्रसिद्ध झालेल्या या अहवालात जागतिक हळद उत्पादक आणि निर्यातदार म्हणून भारताचे स्थान मजबूत करण्यासाठी आवश्यक धोरणांचा आराखडा मांडण्यात आला आहे, असे आयसीआरआयईआरचे संचालक दीपक मिश्रा यांनी बुधवारी अहवालाचे अनावरणप्रसंगी सांगितले. राष्ट्रीय मंडळाच्या स्थापनेने गुणवत्ता मानके, उत्पादकांचा शोध आणि उत्पादन प्रमाणन, तसेच निर्यातयोग्य चाचणी प्रक्रिया सुलभ बनेल, असेही त्यांनी स्पष्ट केले.

हेही वाचा >>> डिसेंबरमध्ये देशाच्या निर्यातीत घसरण; नेमके कारण काय?

भारतात हळदीच्या ३० पेक्षा जास्त जाती असून, अधिक भौगोलिक संकेत (जीआय) मानांकित उत्पादनांना वाव आहे. चालू हंगामात देशभरात २,९७,४६० हेक्टर क्षेत्रफळावर हळदीची लागवड केली गेली असून, १०.४१ लाख टन उत्पादन अपेक्षित आहे. अहवालाने असेही नमूद केले आहे की, अनेकांगी आरोग्यदायी फायदे असलेल्या उच्च-कर्क्युमिन हळदीच्या जागतिक मागणीच्या केवळ १० टक्के पुरवठा करण्यास भारतीय उत्पादक सक्षम आहेत.