NEET Admit Card 2022: राष्ट्रीय पात्रता सह प्रवेश परीक्षा २०२२ (NEET 2022) प्रवेशपत्र आता लवकरच प्रसिद्ध होण्याची अपेक्षा आहे. पदवीधर वैद्यकीय आणि दंतचिकित्सक अभ्यासक्रमांसाठी परीक्षा १७ जुलै २०२२ रोजी होणार आहे. नॅशनल टेस्टिंग एजन्सी, एनटीए, neet.nta.nic.in या अधिकृत वेबसाइटवर प्रवेशपत्र जारी करू शकतात. शिवाय, नीट २०२२ परीक्षा सिटी इंटिमेशन स्लिप या आठवड्यात प्रसिद्ध होण्याची अपेक्षा आहे.
दरम्यान, नीट २०२२ परीक्षा पुढे ढकलण्याच्या वाढत्या मागणीच्या पार्श्वभूमीवर शिक्षणमंत्र्यांनी परीक्षा पुढे ढकलण्यात येणार नसल्याचे सांगितले आहे. नियोजित वेळापत्रकानुसार १७ जुलै २०२२ रोजी परीक्षा घेतली जाईल. एनटीएला तेच शैक्षणिक कॅलेंडर पुनर्संचयित करायचे आहे जे कोरोना महामारीमुळे विस्कळीत झाले होते. गेल्या दोन वर्षांत, लॉकडाऊन आणि शाळा बंद झाल्यामुळे शैक्षणिक कॅलेंडरला फटका बसला आहे. प्रवेश परीक्षांना आणखी विलंब झाल्यास शैक्षणिक वर्ष आणखी लांबेल, ज्यामुळे अभ्यासावर परिणाम होऊ शकतो.
Film City Mumbai Bharti 2022 : फिल्म सिटी, मुंबई इथे नोकरीची संधी; ‘असा’ करा अर्ज
नीट २०२२ च्या वेळापत्रकानुसार, आता या आठवड्यात परीक्षेची शहर सूचना स्लिप जाहीर होईल अशी अपेक्षा आहे. मात्र, प्रवेशपत्राच्या तारखेबाबत अद्याप कोणतीही घोषणा करण्यात आलेली नाही. १० जुलैपर्यंत प्रवेशपत्र जारी केले जाण्याची शक्यता आहे. ज्या उमेदवारांनी परीक्षेला बसण्यासाठी अर्ज केला आहे ते त्यांच्या नोंदणी क्रमांकाच्या मदतीने त्यांचे प्रवेशपत्र डाउनलोड करू शकतील.
मराठीतील सर्व करिअर वृत्तान्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
