पाकिस्तानच्या दुर्गम भागात अमेरिकी सैन्य दलाने गुरुवारी केलेल्या ड्रोन हल्ल्यात १६ दहशतवादी ठार झाले. अमेरिकेने पाकिस्तानातील ड्रोन  हल्ले पाच महिन्यांपूर्वी बंद केले होते. मात्र आता ते पुन्हा सुरू करण्यात आल्याचे अमेरिकी सैन्य दलाकडून सांगण्यात आले. उत्तर वझिरिस्तानातील दांडे दारपाखल भागात गुरुवारी सकाळी केलेल्या ड्रोन हल्ल्यात १० दहशतवाद्यांचा मृत्यू झाला. बुधवारी रात्रीही या भागात ड्रोन हल्ले करण्यात आले होते, त्यात सहा जणांचा मृत्यू झाला होता.