गोव्यात दोन भावांच्या संशयास्पद मृत्यूचं प्रकरण समोर आलं आहे. दोन्ही मुलांसह त्यांची आईदेखील घरातच बेशुद्धावस्थेत आढळली आहे. दोन्ही भाऊ भुकेने मरण पावल्याची माहिती प्राथमिक तपासात समोर आली आहे. गोवा पोलिसांनी दिलेल्या माहितीनुसार या मुलांची आई दोन्ही मुलांकडून कडक उपवास करून घेत होती. गेल्या अनेक दिवसांपासून ही दोन्ही मुलं दिवसाला केवळ एक खजूर खात होती. कॅशेक्सिया आणि कुपोषण हे दोन्ही मुलांच्या मृत्यूचं संभाव्य कारण असल्याचं शवविच्छेदन अहवालात डॉक्टरांनी नमूद केलं आहे.

मोहम्द जुबैर खान आणि अफान खान अशी या मृत मुलांची नावं आहेत. त्यांची आई रुक्साना खान हिच्यावर शासकीय रुग्णालयात उपचार चालू आहेत. तिच्या मानसिक आरोग्याच्या तपासणीसाठी तिला गोवा वैद्यकीय महाविद्यालयाच्या मानसोपचार आणि मानवी व्यवहार संस्थेत (IPHB) पाठवलं जाणार आहे.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Fasting with one date in a day leads to death of two brothers in goa asc
First published on: 26-04-2024 at 18:18 IST