जमशेदपूरमधील टाटा स्टील फॅक्टरीमध्ये शनिवारी (७ मे) गॅस पाईपलाईनचा स्फोट होऊन भीषण आग लागली. यात आतापर्यंत तीन कामगार जखमी झाले आहेत. जखमी कामगारांना टाटा मुख्य रुग्णालयात दाखल करण्यात आलं आहे. हा स्फोट सकाळी १० वाजून २० मिनिटांनी झाला.
आर्काइव्हमधील सर्व बातम्या मोफत वाचण्यासाठी कृपया रजिस्टर करा
Already have a account? Sign in
टाटा कंपनीने यानंतर अधिकृत निवेदन जारी केलं. यात त्यांनी म्हटलं, “जमशेदपूर येथे टाटा स्टील फॅक्टरीमधील कोक प्लँटमध्ये स्फोट होऊन आग लागली. सकाळी १० वाजून २० मिनिटांनी ही घटना घडली. सध्या घटना घडली तो कोक प्लँटमधील बॅटरी ६ हा भाग बंद करण्यात येत आहे.”
आगीच्या घटनेनंतर अग्निशमन दलाकडून तातडीने आग विझवण्यासाठी प्रयत्न सुरू करण्यात आले. स्फोटानंतर घटनास्थळावर भीतीचं वातावरण निर्माण झालं होतं. स्फोटाचा आवाज ऐकून कामगारांनी सुरक्षित ठिकाणी जाण्यासाठी धावण्यास सुरुवात केली. यात एक कामगार पडून किरकोळ जखमीही झाला.
First published on: 07-05-2022 at 16:54 IST
मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Fire in tata steel factory coke plant jamshedpur due to blast in gas pipeline pbs