महात्मा गांधींनी भारत छोडो आंदोलनाच्या वेळी पुण्यातील येरवडा तुरूंगात असताना वापरलेल्या चरख्याचा ब्रिटनमध्ये लिलाव झाला. हा चरखा एक लाख दहा हजार पौंड (एक कोटी आठ लाख रूपये) विकला गेला. त्याचबरोबर गांधीजींच्या शेवटच्या इच्छापत्राचाही वीस हजार पौंड किंमतीत लिलाव करण्यात आला. गुजराती भाषेतील हे इच्छापत्र त्यांनी साबरमती आश्रमात लिहिले होते.
महात्मा गांधी यांनी हा चरखा त्यावेळी ‘अमेरिकी मिशनरी रेव्हरंड फ्लॉईड’ ए.पफर यांना भेट म्हणून दिला होता. ऐतिहासिक कागदपत्रे आणि वस्तू यांच्या ‘मुलॉक ऑक्शन हाऊस’ या संस्थेने घेतलेल्या या लिलावात या चरख्याला ६० हजार पौंड इतकी किंमत मिळणे अपेक्षित होते. मात्र, त्याहीपेक्षा साधारणपणे दुप्पट किंमत चरख्याला मिळाली आहे.
आर्काइव्हमधील सर्व बातम्या मोफत वाचण्यासाठी कृपया रजिस्टर करा
Already have a account? Sign in
First published on: 06-11-2013 at 12:01 IST
मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Mahatmas charkha fetches 110000 pounds at auction in uk