Thailand Bus Fire: धक्कादायक! थायलंडमध्ये शाळेच्या बसला आग लागून २५ विद्यार्थ्यांचा दुर्दैवी मृत्यू

बँकॉकमधील उथाई थानी येथील एका शाळेतील विद्यार्थी आणि शिक्षक या बसमधून सहलीसाठी जात होते. शाळेपासून २५० किमी अंतरावरील राजधानी बँकॉकमध्ये ही सहल जात असल्याचे सांगतिले जात आहे. आग लागल्याची माहिती मिळाल्यानंतर तात्काळ बचाव कार्य हाती घेण्यात आले. मात्र पोलिसांनी अद्याप मृतांचा निश्चित आकडे दिलेला नाही. १६ विद्यार्थी आणि तीन शिक्षकांना आतापर्यंत रुग्णालयात उपचारासाठी दाखल करण्यात आले आहे.

परिवहन मंत्री सुर्या जुआंगरूंगरुंगकित म्हणाले की, अपघाताचे कारण अद्याप स्पष्ट झालेले नाही. परंतु पोलिसांचा तपास सुरू आहे. थायलंडचे पंतप्रधान पाइतोंग्तार्न शिनावात्रा यांनी मृतांच्या नातेवाईकांबद्दल सहसंवेदना व्यक्त करतो, असे सांगितले आहे.

थायलंडचे गृहमंत्री अनुतिन चर्नविराकुल यांनी सांगितले की, बचाव पथक जेव्हा बस जवळ पोहोचले तेव्हा बसमधून आगीचे लोळ उठले होते. बसच्या आत जाणेही कठीण होऊ बसले होते. यामुळे बसमध्ये बराच काळ अनेकांचे शव बसून होते. ज्यांचा मृत्यू झाला, त्यांची अद्याप ओळख पटलेली नाही.