महिला शिक्षिका सुरक्षारक्षकाला काठीने मारहाण करत असल्याचा एक व्हिडीओ सध्या सोशल मीडियावर व्हायरल झाला आहे. सुरक्षारक्षक शांतपणे उभा असताना महिला त्याला शिवीगाळ करत, काठीने मारहाण करत असल्याचं व्हिडीओत दिसत आहे. सुरक्षारक्षक परिसरातील कुत्र्यांना नीट वागणूक देत नसल्याने महिलेने मारहाण केल्याची प्राथमिक माहिती मिळत आहे. आग्रा येथे ही घटना घडली आहे. पोलिसांनी याप्रकरणी गुन्हा दाखल केला आहे.

या बातमीसह सर्व प्रीमियम कंटेंट वाचण्यासाठी साइन-इन करा
ई-मेल द्या, नी साइन-अप करा
Already have a account? Sign in

नेमकी घटना काय?

ही घटना आग्रा पोलीस ठाण्याच्या मागील बाजूला असणाऱ्या एलआयसी ऑफिसर कॉलनीत घडली आहे. शनिवारी संध्याकाळी, सुरक्षारक्षक श्वानांना सोसायटीतून बाहेर काढत असताना महिलेने त्याच्याशी वाद घातला. कुत्र्यांना ठार मारलं जात असल्याचा आरोप महिलेने केला. यावेळी महिला इतकी संतापली की तिने काठीने त्याला मारहाण केली. यावेळी अर्वाच्च भाषेत शिवीगाळही करण्यात आली.

आणखी वाचा

“तू कुत्र्यांना मारणार, तुझ्यासारखे *** फार पाहिले आहेत. याला पोलीस ठाण्यात घेऊन चला,” असं महिला बोलत असल्याचं व्हिडीओत दिसत आहे.

पोलिसांनी घेतली दखल

पोलिसांनी या घटनेची दखल घेतली आहे. आग्रा पोलिसांनी व्हिडीओ ट्विट केला असून यामध्ये पोलीस अक्षिधक विकास कुमार यांनी गुन्हा दाखल केला असून, योग्य ती कारवाई केली जाई अशी माहिती दिली आहे.

सुरक्षारक्षक निवृत्त जवान

अखिलेश सिंह असं या सुरक्षारक्षकाचं नाव असून ते निवृत्त जवान आहेत. एलआयसी ऑफिसर कॉलनीत ते सुरक्षारक्षक म्हणून काम करतात. “रस्त्यावरील श्वान सोसायटीत घुसून परिसर अस्वच्छ करतात. त्यांनी कॉलनीतील काही लोकांवर हल्लाही केला आहे. अशा स्थितीत आपण त्यांना आतमध्ये प्रवेश करु देत नाही,” असं त्यांनी पोलिसांना सांगितलं आहे.

More Stories onव्हायरल व्हिडीओViral Videoसोशल व्हायरलSocial Viral
मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Viral video of woman teacher abusing and beating guard with a stick in agra sgy
First published on: 16-08-2022 at 18:25 IST