How To Check LPG Gas Cylinder Expiry Date : जेव्हा तुम्ही बाजारातून खाण्याचे सामान आणि औषधे खरेदी करता, तेव्हा त्याची एक्सपायरी डेट नक्कीच तपासून घेता. सुरक्षेच्या कारणास्तव असं करणं योग्य असतं. याशिवाय आणखी काही गोष्टी आहेत, जे एक्स्पायर होतात, पण आपण त्यावर लक्ष देत नाही. यामध्ये एक आहे आपल्या किचनमध्ये वापरण्यात येणारा गॅस सिलेंडर. तुम्हाला याबाबत जरी माहिती नसेल, पण एलपीजी सिलेंडरचीही एक्सपायरी डेट असते. सिलेंडर घेताना आपण गॅस लीक आहे की नाही, हे तपासतो. पण सर्वात महत्वाची गोष्ट म्हणजे त्याची एक्सपायरी चेक करत नाही.
या जागेवर लिहिलेली असते एक्सपायरी डेट
एलपीजी सिलेंडरवर वरच्या बाजूला तीन पट्ट्या असतात. त्यावर मोठ मोठ्या अक्षरांमध्ये एक कोड लिहिलेलं असतं. हे कोड म्हणजेच सिलेंडरची एक्सपायरी डेट असते. हा कोड A-24, B-25, C-26 किंवा D-27 असे असतात. या कोडमध्ये ABCD अक्षर महिन्यांबद्दल माहिती देतात. तर त्यामागे लिहिलेले नंबर्स वर्षांची माहिती देतात. तर जाणून घेऊयात हे कोड कशा पद्धतीने सिलेंडरची एक्सपायरी सांगतात. याला टेस्ट ड्यू डेटही म्हणतात.
ABCD चा अर्थ
ABCD मध्ये प्रत्येक अक्षराला तीन तीन महिन्यांमध्ये विभागलं गेलं आहे.
A चा अर्थ आहे – जानेवारी, फेब्रुवारी आणि मार्च
B चा अर्थ – एप्रिल, मे आणि जून
C चा अर्थ – जुलै, ऑगस्ट, सप्टेंबर
D चा अर्थ – ऑक्टोबर, नोव्हेंबर आणि डिसेंबर
जर तुमच्या सिलेंडरवर C-23 लिहिलं असेल, तर त्याचा अर्थ असा आहे की, तो सिलेंडर २०२३ मध्ये ऑक्टोबरपासून डिसेंबर महिन्याच्या आत एक्सपायर होईल.
यासाठी लिहिले जाते एक्सपायरी डेट
एक सिलेंडर १५ वर्षांपर्यंत टिकतो. या कालावधीत त्याची दोनवेळा तपासणी केली जाते. पहिली १० वर्षांनंतर आणि दुसरी ५ वर्षांनंतर. सिलेंडरवर लिहिलेली त्याची एक्सपायरी डेटही त्याची टेस्टिंग डेट असते. या तारखेनंतर सिलेंडरला पुन्हा एकदा तपासणीसाठी पाठवलं जातं आणि हा सिलेंडर पाहून तपासलं जात की, याचा वापर पुन्हा होऊ शकतो की नाही.