महाराष्ट्रात गेल्या काही दिवसांपासून इन्फ्लूएंझा H3N2 विषाणूची लागण झालेल्या रुग्णांमध्ये झपाट्याने वाढ होत आहे. सर्दी, खोकला, ताप अशी या विषाणूची सामान्य लक्षणे आहेत. महाराष्ट्रात आत्तापर्यंत इन्फ्लूएंझाच्या ३६१ रुग्णांची नोंद झाली आहे. यात मुंबई, नाशिक, पुणे, नागपूर, औरंगाबाद, ठाणे, सांगली आणि कोल्हापूरात याचे सर्वाधिक रुग्ण आढळत आहेत. राज्यात वेगाने पसरणारा H3N2 विषाणू हा इन्प्लूएंझा A च्या H1N1 च्या म्युटेट व्हेरिंएट आहे. काही वर्षांपूर्वी H1N1 व्हायरसचा प्रसार झाला. इन्फ्ल्यूएंझा टाईप एचे हे दोन्ही उपप्रकार आहेत.
H1N1 आणि H2N2 चा H3N2 हा बदलेला प्रकार आहे. हा एक सामान्य इन्फ्लूएंझा स्ट्रेन आहे. मात्र कोरोना विषाणूप्रमाणेच हा व्हायरस वेगाने पसरतो आहे. संसर्गाच्या प्रकरणांमध्ये वाढ होत असल्याने कोरोना महासाथी इतकीच गंभीर स्थिती निर्माण होण्याची शक्यता आहे. दरम्यान राज्याचे आरोग्य मंत्री तानाजी सावंत यांनी देखील राज्यात H3N2 आणि कोविडची प्रकरणे पुन्हा वाढत असल्याचा इशारा देत नारिकांना गर्दीच्या ठिकाणी जाणं टाकण्याचा सल्ला दिला आहे. यामुळे या दोन्ही व्हेरिएंटच्या वाढत्या संसर्गामुळे आता नागरिकांनी काय करावे आणि काय करु नये? संसर्ग झाला तर तो कसा ओळखावा? कोणती औषधं घेणं टाळलं पाहिजे जाणून घ्या…
H1N1 व्हायरस नेमका काय आहे? त्याची लक्षणे?
H1N1 विषाणू स्वाइन फ्लूच्या रुपाने ओखळला जातो. प्रामुख्याने स्वाइन फ्लू (इन्फ्लूएंझा) विषाणूच्या स्ट्रेनमुळे H1N1 हा म्युटेशनने तयार होतो. याची लक्षणे सामान्य फ्लूसारखीच असतात. यामध्ये ताप, खोकला, घसा खवखवणे, नाक वाहणे, अंगदुखी, डोकेदुखी, थंडी वाजणे आणि थकवा यांचा समावेश होतो. संसर्ग झालेल्यांमध्ये जुलाब आणि उलट्या या समस्याही जाणवू शकतात. याशिवाय थंडी वाजून येणे आणि थकवा यांसारख्या समस्यांचाही समावेश आहे. परंतु ही लक्षणं लवकर बरी होतात,
मराठीतील सर्व FYI बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: How to differentiate between h3n2 virus and h1n1 swine flu infection symptoms and treatment sjr