‘लाख’मोलाची लाच स्वीकारताना कोल्हापुरात जिल्हा क्रीडा अधिकारी जाळ्यात

तक्रारदार हे सरकारी विभागास साहित्य पुरवठा करतात. त्यांनी कोल्हापूर जिल्हा क्रीडा कार्यालयास ऑनलाइन महा टेंडर वरून निविदा भरून क्रीडा साहित्य पुरवले होते. या साहित्याचे एकूण ८ लाख ८९ हजार रुपये बिल झाले होते. ते मंजूर करण्यासाठी साखरे यांनी बिलाच्या १५ टक्के प्रमाणे लाचेची मागणी केली होती. तडजोडी अंती  ठरलेली २ लाख १० हजार रुपये ही रक्कम आज सायंकाळी कार्यालयात स्वीकारत असताना साखरे हे पकडले गेले. त्यांच्याविरुद्ध जुना राजवाडा पोलीस ठाण्यात गुन्हा दाखल करण्याची कारवाई सुरू आहे.