….त्याने सामना जिंकला आणि प्रेमही! इंग्लंडच्या बास्केटबॉलपटूचं प्रेयसीला भर मैदानात प्रपोज

बास्केटबॉलच्या दुसऱ्या फेरीत इंग्लंडच्या संघाने कॅमरुनवर ८१-५४ अशी मात केली. यानंतर आपल्या सहकाऱ्यांच्या मदतीने जेमील अँडरसनने जॉर्जियाला प्रपोज करण्यासाठी खास प्लान आखला. आपल्यास संघातील सहकारी खेळाडूने आपल्याला लग्नाची मागणी घातल्यानंतर जॉर्जियाच्या चेहऱ्यावरील हावभावही पाहण्यासारखे होते. महत्वाची गोष्ट म्हणजे जॉर्जियाचे वडील व इंग्लंडच्या संघाचे माजी मुख्य प्रशिक्षक जेफ जोन्स यांनीही मान्यता दिलेली आहे.

आपल्याला या घटनेची जराशीही कल्पना नव्हती. जेमील आणि त्याच्या सहकाऱ्यांनी मला सरप्राईज देण्याचा चांगला प्लान आखला होता, असं म्हणत जॉर्जियाने जेमिलचं कौतुक केलं. जेमीलनेही आपल्या दोघांच्या आयुष्यात बास्केटबॉलला विशेष महत्व असल्याचं सांगितलं. सध्या राष्ट्रकुल क्रीडा स्पर्धांमध्ये या दोन खेळाडूंच्या प्रेमकहाणीची चर्चा जास्त रंगताना दिसत आहे.