Ind vs Aus : नागपूरमधील सामन्यानंतर द्रविडची 'ती' कृती सर्वांनाच भावली; 'हा माणूसच वेगळा आहे' म्हणत होतोय कौतुकाचा वर्षाव | Ind vs Aus Coach Rahul Dravid greeted groundsmen appreciated them for arranging the match scsg 91 | Loksatta

Ind vs Aus : नागपूरमधील सामन्यानंतर द्रविडची ‘ती’ कृती सर्वांनाच भावली; ‘हा माणूसच वेगळा आहे’ म्हणत होतोय कौतुकाचा वर्षाव

नागपूर ही भारताचा माजी क्रिकेटपटू आणि विद्यमान प्रशिक्ष राहुल द्रविड याची सासरवाडी आहे.

Ind vs Aus : नागपूरमधील सामन्यानंतर द्रविडची ‘ती’ कृती सर्वांनाच भावली; ‘हा माणूसच वेगळा आहे’ म्हणत होतोय कौतुकाचा वर्षाव
सामन्यानंतरचे क्षण कॅमेरात कैद

ऑस्ट्रेलियाविरुद्ध सुरु असलेल्या टी-२० मालिकेच्या दुसऱ्या सामन्यामध्ये नागपूरच्या मैदानात कर्णधार रोहित शर्माने केलेल्या २० चेंडूंत नाबाद ४६ धावांच्या आक्रमक खेळीच्या बळावर भारताने सहा गडी राखून विजय मिळवला. या विजयामुळे आता तीन सामन्यांची मालिका १-१ च्या बरोबरीत आहे. भारताने तीन सामन्यांच्या मालिकेत १-१ अशी बरोबरी साधली आहे. मात्र या सामन्यानंतर रोहित शर्माचं जितकं कौतुक होत आहे तितकचं कौतुक प्रशिक्षक राहुल द्रविडचंही होत आहे. द्रविडची सासरवाडी असणाऱ्या नागपूरमधील सामन्यानंतर त्याने केलेली कृती सध्या कौतुकाचा विषय ठरत आहे.

नक्की पाहा >> Yorker King मैदानात परतला! बुमराहचा यॉर्कर फिंचला कळालाच नाही; बाद झाल्यानंतर असं काही केलं की… पाहा Video

झालं असं की, मालिकेमधील दुसरा नियोजित सामना नागपूरमध्ये खेळवण्यात आला. नियोजित वेळेनुसार हा सामना सायंकाळी सात वाजता सुरु होणार होता. मात्र पाऊस आणि त्यानंतर मैदानातील काही भाग ओला असल्याने सामना सुरू होण्यासाठी विलंब झाला. सामन्यातील पहिला एक ते दीड तास वाया गेला. अखेर दोन्ही संघांच्या कर्णधारांशी चर्चा करुन हा सामना आठ-आठ षटकांचा करण्यात आला. हजारो क्रिकेट चाहते हा सामना पाहण्यासाठी नागपूरच्या मैदानात जमले होते. या निर्णयामुळे त्यांचा हिरमोड झाला नाही. भारताने नाणेफेक जिंकून प्रथम गोलंदाजी करताना आठ षटकांमध्ये ५ बाद ९० अशी धावसंख्या उभारली.

रोहित शर्माने केलेल्या दमदार खेळीमुळे भारताने चार चेंडू आणि सहा गाडी राखून हा सामना जिंकला. दिनेश कार्तिकने शेवटच्या षटकामध्ये दहा धावा हव्या असतानाच एक षटकार आणि एका चौकाऱ्याच्या मदतीने विजयाचा कळस चढवला. या सामन्यानंतर भारतीय खेळाडू जल्लोष करत असतानाच राहुल द्रविड मात्र कमी षटकाचा का असेना पण हा सामना खेळवण्यात मोलाची भूमिका बजावणाऱ्या मैदानावरील कर्मचाऱ्यांच्या म्हणजेच ग्राऊण्ड्स मनच्या भेटीसाठी गेला.

नक्की वाचा >> Ind vs Aus: खणखणीत… ‘या’ षटकारासहीत रोहित शर्माची अनोख्या विश्वविक्रमाला गवसणी; तुम्ही पाहिलात का हा Video

द्रविडने नागपूरच्या मैदानावर ग्राऊण्ड मन म्हणून काम करणाऱ्या प्रत्येक व्यक्तीशी हस्तांदोलन केलं. हसत मुखाने त्यांना धन्यवाद म्हटलं. त्यांच्यासोबत काही वेळ चर्चाही केली. द्रविडचा हा वेगळेपणा चाहत्यांनाही चांगलाच भावल्याचं सोशल मीडियावर दिसून आलं. अनेकांनी द्रविडची ही कृती कौतुकास्पद असल्याचं म्हटलं. म्हणून द्रविड हा इतरांपेक्षा वेगळा असल्याचंही काहींनी म्हटलं. पाहूयात काही व्हायरल ट्वीट…

१)

२)

३)

४)

५)

रोहित शर्मानेही सामन्यानंतर मैदानावरील कर्मचाऱ्यांच्या कामाचं कौतुक केलं. हे लोक दुपारी दीड वाजल्यापासून अगदी सामनासंपेपर्यंत मैदानावर होते असं सांगत रोहितने या कर्मचाऱ्यांचे आभार मानले. त्यांच्यामुळेच क्रिकेट चाहत्यांचा हिरमोड झाला नाही आणि छोटा का असेना सामना खेळता आला अशा भावना रोहितने व्यक्त केल्या. तर या सामन्यामधील फिनिशर म्हणून चर्चेत आलेल्या दिनेश कार्तिकनेही बऱ्याच कालावधीनंतर मैदानामध्ये असं वातावरण पाहिल्याचं समाधान वाटलं अशी प्रतिक्रिया सामन्यानंतर दिली.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
मुलुंडच्या तरुणांना बीच टेनिसचा ध्यास

संबंधित बातम्या

FIFA World Cup 2022: आजपासून सुपर-१६ लढतींचा थरार, पाहा सर्व सामन्यांचे वेळापत्रक
FIFA World Cup 2022: ब्राझीलला हरवून कॅमेरूनने रचला इतिहास, तर स्वित्झर्लंड प्री-क्वार्टर फायनलमध्ये दाखल
Video: तू गल्ली क्रिकेट…; ऋषभ पंतने हर्षा भोगलेंना दिलेलं ‘ते’ उत्तर ऐकून नेटकरी भडकले, पाहा ट्वीट्स
Sunil Gavaskar: १३ हजार धावा करताना केवळ या दोन गोष्ठी ठेवल्या लक्षात सुनील गावसकरांनी त्यामागील सांगितले रहस्य
IND vs NZ 3rd ODI: “सूर्यकुमार चेज मास्टर बनू शकत नाही कारण…”, खराब प्रदर्शनानंतर चाहते भडकले

व्हिडिओ

ताज्या बातम्या
शेजारी बसलेल्या शाहरुख खानला ओळखू शकली नाही ‘ही’ अभिनेत्री; नेटकरी म्हणाले…
विश्लेषण: फिफा वर्ल्ड कपमध्ये मोरोक्को, जपान बलाढ्य युरोपिय देशांपुढे आपापल्या गटांत अव्वल कसे राहिले?
“मी मुख्यमंत्री एकनाथ शिंदेंच्या बाजुला उभा राहीन आणि पोलीस पाकीट मारल्याचा…”, जितेंद्र आव्हाडांचं ट्वीट चर्चेत
प्लास्टिकचा कचरा द्या आणि मोफत चहा प्या! उदयपूरच्या युवकाचा स्वच्छतेसाठी भन्नाट उपक्रम; पाहा Video
बांगलादेशी आणि रोहिंग्यांबद्दलचं वक्तव्य परेश रावल यांना पडलं महागात; माफी मागूनही तक्रार दाखल