IND vs BAN Highlights, World Cup 2023: टीम इंडियाचा विजयी चौकार! विराट कोहलीने झळकावले शतक, बांगलादेशवर ७ गडी राखून केली मात

दोन्ही संघांमध्ये एकूण ४० एकदिवसीय सामने खेळले गेले आहेत. यापैकी भारताने ३१ तर बांगलादेशने आठ एकदिवसीय सामने जिंकले आहेत. एक सामना अनिर्णित राहिला. कोलंबो येथे २०२३ च्या आशिया चषक दरम्यान दोघांमधील शेवटचा सामना खेळला गेला होता, जो बांगलादेशने सहा धावांनी जिंकला होता. २०१९ च्या विश्वचषकानंतर उभय संघांमधील हा पाचवा वनडे सामना असेल.

गेल्या चार सामन्यांमध्ये बांगलादेशने तीन आणि भारताने केवळ एकच सामना जिंकला आहे. मात्र, या चार सामन्यात रोहित शर्मा, विराट कोहली या वरिष्ठ खेळाडूंना विश्रांती देण्यात आली. यापैकी तीन सामने २०२२ मध्ये एकदिवसीय मालिकेदरम्यान, शिखर धवन कर्णधार असताना खेळले गेले, तर एक सामना आशिया कप २०२३ दरम्यान खेळला गेला.