India vs New Zealand LIVE Cricket Score Updates, Women’s World Cup: महिला एकदिवसीय विश्वचषक २०२५ मध्ये भारत आणि न्यूझीलंड महिला संघांमध्ये आज करो या मरो सामना खेळवला जात आहे. वर्ल्डकप सेमीफायनलच्या दृष्टीने दोन्ही संघांसाठी हा सामना जिंकणं महत्त्वाचं असणार आहे. ऑस्ट्रेलिया, दक्षिण आफ्रिका आणि इंग्लंडचे संघ आधीच सेमीफायनलसाठी पात्र ठरले आहेत. दरम्यान एका जागेसाठी भारत, न्यूझीलंड आणि श्रीलंका यांच्यात लढत आहे.
प्रतिका रावलच्या खात्यात विकेट
प्रतिका रावलने २८व्या षटकातील अखेरच्या चेंडूवर ग्रीनला झेलबाद करत संघाला पाचवी विकेट मिळवून दिली. क्रांती गौडने कमालीचा झेल टिपला. यासह आता न्यूझीलंड संघाला विजयासाठी ८४ चेंडूत १६५ धावांची गरज आहे.
चौथी विकेट
स्नेह राणाच्या गोलंदाजीवर स्मृतीने कमालीचा झेल टिपत संघाला चौथी विकेट मिळवून दिली. अमेलिया कर ४५ धावांवर खेळत होती.
रेणुकाची भेदक गोलंदाजी अन् डिव्हाईन क्लीन बोल्ड
रेणुका सिंग ठाकूरने कमालीच्या गोलंदाजीवर न्यूझीलंड संघाला सर्वात मोठा धक्का दिला. रेणुकाने १२व्या षटकात सोफी डिव्हाईनला क्लीन बोल्ड केलं. डिव्हाई ६ धावा करत माघारी परतली. यासह न्यूझीलंड संघ ३ बाद ६३ धावांवर खेळत आहे.
रेणुकाने प्लाईमरला केलं क्लीन बोल्ड
रेणुका सिंगने १०व्या षटकातील चौथ्या चेंडूवर जॉर्जिया प्लाईमरला क्लीन बोल्ड करत संघाला दुसरी विकेट मिळवून दिली. प्लाईमर व अमेलिया कर यांनी अर्धसतकी भागीदारी रचत संघाचा डाव सावरला होता. यासह १० षटकांत न्यूझीलंड संघाने २ बाद ५५ धावा केल्या आहेत.
दुसऱ्या षटकात न्यूझीलंड संघाला मोठा धक्का
सामन्यातील दुसऱ्याच षटकात क्रांती गौडने कमालीच्या चेंडूवर सुझी बेट्सला झेलबाद केलं. प्रतिका रावल कव्हरला तैनात होती, चेंडू येताना पाहून ती डाव्या दिशेने धावत पुढे गेली आणि कमालीचा झेल टिपला. यासह न्यूझीलंड संघाने १ बाद १ धाव अशी सुरूवात केली.
न्यूझीलंडला ४४ षटकांत विजयासाठी इतक्या धावांची गरज
भारताचा डाव संपल्यानंतर पावसाने पुन्हा हजेरी लावली आणि त्यामुळे सामना सुरू होण्यासाठी विलंब झाला. त्यामुळे आता हा सामना ४४ षटकांचा होणार असून DLS नुसार न्यूझीलंडला विजयासाठी ३२५ धावांचं आव्हान देण्यात आलं आहे. ८.२५ला सामन्याला सुरूवात होईल.
भारताने न्यूझीलंडला विजयासाठी किती धावांचं आव्हान दिलं?
भारताने प्रथम फलंदाजी करताना ३ विकेट्स गमावत ३४० धावा केल्या. ज्यामध्ये स्मृती मानधना आणि प्रतिका रावल यांनी शतकं झळकावली. तर दोघींनी पहिल्या विकेटसाठी २१२ धावांची भागीदारीही रचली. यानंतर जेमिमा रोड्रीग्जने ५५ चेंडूत ११ चौकारांसह ७५ धावांची नाबाद खेळी केली. यासह न्यूझीलंड संघाला विजयासाठी भारताने ३४१ धावांचं आव्हान दिलं आहे.
अखेरच्या षटकात ११ धावा
जेमिमा रोड्रीग्जने एक चौकार, तर ऋचा घोषनेही एक चौकार लगावला. तर हरमन पाचव्या चेंडूवर झेलबाद झाली. यासह भारताने अखेरच्या षटकात ११ धावा केल्या.
भारत-न्यूझीलंड वनडे सामना पुन्हा किती वाजता सुरू होणार?
भारत आणि न्यूझीलंड महिला संघांमधील सामना हा पावसाच्या व्यत्ययामुळे थांबवण्यात आला होता. ७.५० वाजता सामना पुन्हा सुरू होणार असून ४९ षटकांचा सामना खेळवण्यात येईल. तर इनिंग्स ब्रेक हा १० मिनिटांचा असेल.
भारत-न्यूझीलंड सामना ४८व्या षटकानंतर अचानक का थांबवला?
नवी मुंबईतील डी वाय पाटील स्टेडियममध्ये सुरू असलेला सामना ४८व्या षटकात थांबवण्यात आला. अचानक पावसाने जोरदार हजेरी लावल्याने सामन्यात व्यत्यय आला. जेमिमा रोड्रीग्ज उत्तम लयीत असून ती शानदार फटकेबाजी करत ६९ धावांवर खेळत आहे. यासह भारताने ४८ षटकांत २ बाद ३२९ धावा केल्या आहेत.
जेमिमा रोड्रीग्जचं अर्धशतक
जेमिमा रोड्रीग्जने ३८ चेंडूत ७ चौकारांसह वादळी अर्धशतकी खेळी केली. यासह भारताने ४५ षटकांत ३०२ धावा केल्या आहेत.
प्रतिका रावल झेलबाद
अमेलिया करच्या ४३ व्या षटकात मोठा फटका खेळण्याच्या प्रयत्नात प्रतिका रावल झेलबाद झाली. प्रतिकाने बाद होण्यापूर्वी १३३ चेंडूत १३ चौकार आणि २ षटकारांसह १२२ धावा केल्या.
प्रतिका रावलचं शतक
प्रतिका रावलने स्मृती मानधनानंतर आपलं शतक पूर्ण केलं आहे. प्रतिका रावलने १२२ चेंडूत १३ चौकारांसह १०० धावांचा टप्पा गाठला. प्रतिकाचं महिला विश्वचषकातील हे पहिलंच शतक आहे.
स्मृती मानधनाचं शतक
स्मृती मानधनाने ९५ चेंडूत १० चौकार आणि ४ षटकारांसह १०९ धावांची खेळी केली. तर शतकी खेळीनंतर १०९ धावा करत झेलबाद झाली. यासह प्रतिका रावल आणि मानधनाने पहिल्या विकेटसाठी २१२ धावांची भागीदारी रचली.
प्रतिका रावलचं अर्धशतक
स्मृती मानधनापाठोपाठ आता प्रतिका रावलनेदेखील आपलं अर्धशतक पूर्ण केलं आहे. प्रतिकाने ७५ चेंडूत ७ चौकारांसह ५० धावा पूर्ण केल्या. यासह भारतीय संघ २३ षटकांनंतर बिनबाद १३२ धावा करत खेळत आहे.
स्मृती मानधनाचं अर्धशतक
स्मृती मानधनाने न्यूझीलंडविरूद्ध महत्त्वाच्या सामन्यात अर्धशतकी खेळी केली आहे. स्मृती ४९ चेंडूत ४ चौकार आणि २ षटकारांसह आपलं अर्धशतक पूर्ण केलं. यासह प्रतिका रावल आणि स्मृती मानधनाने शतकी भागीदारीही रचली आहे. यासह भारताची धावसंख्या २० षटकांत ११५ धावा आहे.
स्मृत प्रतिकाची ८६ धावांची भागीदारी
स्मृती मानधना आणि प्रतिका रावल यांनी १६ षटकांत ८६ धावांची भागीदारी रचली आहे. यासह भारताला महत्त्वाच्या सामन्यात चांगली सुरूवातही मिळाली आहे. प्रतिका ७ चौकारांसह ३६ धावा तर स्मृती २ चौकार-२ षटकारांसह ३८ धावा करत खेळत आहे. यादरम्यान प्रतिका रावलने तिच्या वनडेमधील एक हजार धावा पूर्ण केल्या आहेत.
११ षटकांत भारताच्या ५० धावा पूर्ण
भारताने प्रथम फलंदाजी करताना ११ षटकांत ५० धावा केल्या आहेत. स्मृती २४ धावा तर प्रतिका २० धावांवर खेळत आहेत.
५ षटकांत भारताने किती धावा केल्या?
भारताकडून स्मृती मानधना आणि प्रतिका रावल ही जोडी सलामीला उतरली आहे. दोघींनी पहिल्या ५ षटकांत बिनबाद १५ धावा केल्या आहेत. जेस केरने एक मेडन षटक टाकलं. तर प्रतिकाने दोन शानदार चौकार एका षटकात खेचले.
भारताची प्लेईंग इलेव्हन
प्रतिका रावल, स्मृती मानधना, हरलीन देओल, हरमनप्रीत कौर (कर्णधार), जेमिमा रॉड्रिग्स, दीप्ती शर्मा, रिचा घोष (यष्टीरक्षक), स्नेह राणा, क्रांती गौड, श्री चरणी, रेणुका सिंग ठाकूर
न्यूझीलंडची प्लेईंग इलेव्हन
सुझी बेट्स, जॉर्जिया प्लिमर, अमेलिया केर, सोफी डेव्हाईन (कर्णधार), ब्रुक हॅलिडे, मॅडी ग्रीन, इसाबेला गेज (यष्टीरक्षक), जेस केर, रोझमेरी मायर, ली ताहुहू, ईडन कार्सन
न्यूझीलंड संघाने जिंकली नाणेफेक
भारत आणि न्यूझीलंड या महत्त्वाच्या सामन्याची नाणेफेक न्यूझीलंड संघाने जिंकली असून प्रथम गोलंदाजीचा निर्णय घेतला आहे. तर भारतीय संघ फलंदाजीने सामन्याला सुरूवात करेल. भारताच्या प्लेईंग इलेव्हनमध्ये या सामन्यासाठी मोठा बदल करण्यात आला असून अमनजोत कौरच्या जागी जेमिमा रोड्रिग्ज सामन्यात खेळताना दिसणार आहेत.
भारत-न्यूझीलंड हेड टू हेड रेकॉर्ड
महिला विश्वचषकात भारत आणि न्यूझीलंड १४ व्यांदा एकमेकांसमोर येणार आहेत. भारताने मागील १३ पैकी १० सामने गमावले आहेत, तर फक्त दोन सामने जिंकले आहेत, तर एक सामना अनिर्णित राहिला आहे.
भारत वि. न्यूझीलंड वर्ल्डकप सामन्यांचा रेकॉर्ड
महिला एकदिवसीय विश्वचषकात न्यूझीलंड नेहमीच भारतापेक्षा वरचढ राहिली आहे. महिला विश्वचषकात ज्या संघांविरुद्ध भारताचा वाईट रेकॉर्ड आहे, त्यामध्ये न्यूझीलंड पहिल्या क्रमांकावर आहे.
भारत-न्यूझीलंड महत्त्वाचा सामना
महिला वनडे वर्ल्डकप २०२५ सेमीफायनलच्या दृष्टीने महत्त्वाचा सामना आज भारत वि. न्यूझीलंड संघांमध्ये खेळवला जात आहे. भारतासाठी आनंदाची बातमी म्हणजे या सामन्यात विजय मिळवल्यास संघ थेट उपांत्य फेरीत प्रवेश मिळेल. पण, न्यूझीलंड जिंकल्यास त्यां ना इतर सामन्यांच्या निकालांवर अवलंबून राहावं लागेल. जर भारतीय संघाने हा सामना गमावला तर त्यांनाही इतर संघांच्या निकालावर अवलंबून राहावं लागलं.