Manika Batra has lost the women's challenge in the World Table Tennis Championships avw 92 | Loksatta

जागतिक टेबल टेनिस स्पर्धेतील महिलांचे आव्हान संपुष्टात, मनिका बत्राचा सूर हरवलेलाच

चीनमध्ये सुरु असलेल्या जागतिक टेबल टेनिस स्पर्धेतील महिलांचे आव्हान संपुष्टात आले आहे. भारतीय महिला संघ उपउपांत्यपूर्व फेरीतच गारद झाला.

जागतिक टेबल टेनिस स्पर्धेतील महिलांचे आव्हान संपुष्टात, मनिका बत्राचा सूर हरवलेलाच
संग्रहित छायाचित्र (इंडियन एक्सप्रेस)

चीनमधील चेंगडू येथे सुरु असलेल्या जागतिक टेबल टेनिस स्पर्धेतील भारतीय महिलांचे आव्हान संपुष्टात आले आहे. भारतीय महिला संघ उपउपांत्यपूर्व फेरीतच गारद झाला. चायनीज तैपई संघाकडून भारताला ३-० असे पराभूत व्हावे लागले. रविवारी उझबेकिस्तानला नमवल्यानंतर महिला संघाने सोमवारी इजिप्तचे आव्हान सहज परतवून लावले होते. भारताच्या या विजयात श्रीजा अकुलाची कामगिरी निर्णायक ठरली होती.

चायनीज तैपईचे कडवे आव्हान मोडून काढण्यात भारतीय महिला संघाला अपयश आले. मनिका बत्रा हिला या स्पर्धेमध्ये सूर गवसला नाही. चेन झू यू हिच्याकडून मनिका हिला ११-७, ११-९, ११-३ (३-०) असे पराभूत व्हावे लागले. त्यानंतर बर्मिंघम राष्ट्रकुल क्रीडा स्पर्धेतील टेबल टेनिस खेळातील मिश्र गटात सुवर्णपदक पटकावणारी श्रीजा अकुला हिलाही अव्वल दर्जाचा खेळ करता आला नाही. चेंग चिंग हिने अकुला हिच्यावर ११-८, ५-११, ११-६, ११-९ (३-१) असा विजय साकारला. दिया चितळे हिने अखेरच्या लढतीत कडवी झुंज दिली, पण तिला काही विजय मिळवता आला नाही. लिऊ यीन हिने दियाचे कडवे आव्हान ११-६, ९-११, ९-११, ११-८, ११-७ (३-२) असे परतवून लावले.

हेही वाचा :   IND vs SA 1st ODI: भारत-दक्षिण आफ्रिका एकदिवसीय सामन्यावर पावसाचे सावट, काल पडला होता विक्रमी पाऊस

भारताची स्टार टेबल टेनिसपटू मनिका बत्राचा फॉर्म हा जवळपास आठ महिन्यांपासून खराब आहे. कॅनडा येथे जानेवारी- फेब्रुवारी दरम्यान झालेल्या स्पर्धेपासून ते आताच्या जागतिक टेबल टेनिस स्पर्धेपर्यंत तिच्या खेळत कुठलीही सुधारणा झाली नाही. बर्मिंघम मधील राष्ट्रकुल स्पर्धेतही तिला फारसा चांगला खेळ करता आला नाही. आगामी आशियाई क्रीडा स्पर्धा आणि ऑलिंपिकसाठी तिला आत्तापासूनच चांगली तयारी करावी लागेल. लवकरात लवकर तिला हरवलेला सूर परत आणावा लागेल.

हेही वाचा  : श्रीजेश, सविता सर्वोत्कृष्ट गोलरक्षक ; ‘एफआयएच’कडून सलग दुसऱ्या वर्षी सन्मान

जागतिक टेबल टेनिस स्पर्धेतील महिलांचे आव्हान संपुष्टात आल्यानंतर भारतीय संघाची मदार आता सर्वस्वी पुरुषांवर असणार आहे. भारताचा पुरुषांचा संघ उपउपांत्यपूर्व लढत उद्या खेळणार आहे. या वेळी भारतीय पुरुष संघासमोर चीनचे आव्हान असणार आहे.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
IND vs SA 1st ODI: भारत-दक्षिण आफ्रिका एकदिवसीय सामन्यावर पावसाचे सावट, काल पडला होता विक्रमी पाऊस

संबंधित बातम्या

ASIA CUP: “भारताशिवाय आशिया चषक आम्ही खेळू पण पाकिस्तान…” रमीज राजा यांनी दिली धमकी
IPL 2023: ‘टॅक्टिकल सबस्टिट्युशन म्हणजे काय रे भाऊ?’ आयपीएलच्या १५व्या हंगामापासून सुरु होणार नवीन नियम
FIFA World Cup 2022: अमेरिकन गोल्फ स्टारने पोर्तुगालचा फुटबॉलपटू ख्रिस्तियानो रोनाल्डोची केली नक्कल, video व्हायरल
Video: तू गल्ली क्रिकेट…; ऋषभ पंतने हर्षा भोगलेंना दिलेलं ‘ते’ उत्तर ऐकून नेटकरी भडकले, पाहा ट्वीट्स
IND vs PAK: “भारताचा आत्मविश्वास वाढू नये…” २६ वर्षापूर्वीच्या वादाला वसीम अक्रमच्या वक्तव्याने फुटले तोंड

व्हिडिओ

ताज्या बातम्या
ओला, उबरच्या धर्तीवर बेस्टची टॅक्सी सेवा; पुढील सहा महिन्यांत ५०० टॅक्सी बेस्टच्या ताफ्यात दाखल होणार
मुंबईत ३ ते १७ डिसेंबर दरम्यान जमावबंदीचे आदेश; पाचपेक्षा अधिक लोकांना एकत्र येण्यास मज्जाव; काय सुरू काय बंद? जाणून घ्या
“दोघांनी छेडलं आणि दोघांनी वाचवलं”, मुंबईत विनयभंग झालेल्या कोरियन तरुणीने घेतली ‘Indian Heroes’ची भेट
तुपात तळलेले लसूण खाल्ल्यास मिळतात आश्चर्यचकित फायदे; तज्ज्ञांनी सांगितले याचे सेवन केल्यास तुम्ही कधीच आजारी पडणार नाही
‘जत तालुक्यातील ६५ गावांसाठी विस्तारीत म्हैसाळ सिंचन योजना दीड वर्षात पूर्ण करणार’; मुख्यमंत्र्यांचे आश्वासन