पाकिस्तानने कसोटी मालिकेत ऑस्ट्रेलियावर २-० असे निर्भेळ यश मिळवण्याच्या दिशेने रविवारी पायाभरणी केली आहे. पाकिस्तानचा कर्णधार मिसबाह उल हकने अवघ्या २१ चेंडूंत अर्धशतक साकारत कसोटीमधील सर्वात वेगवान अर्धशतकाचा विक्रम प्रस्थापित केला. अर्धशतकानंतर तडाखेबंद टोलेबाजी सुरू ठेवत मिसबाहने सामन्यातील दुसऱ्या शतकाची नोंद करीत वेगवान शतकाच्या विक्रमाची बरोबरी केली. मिसबाहने ११ चौकार आणि ५ षटकारांच्या साथीने ५७ चेंडूंतच १०१ धावांची खेळी केली.