युएई आणि ओमानमध्ये १७ ऑक्टोबरपासून सुरू होणाऱ्या टी-२० विश्वचषकाबद्दल चांगली बातमी समोर आली आहे. स्पर्धेदरम्यान, प्रेक्षकांना स्टेडियममधील क्षमतेच्या ७० टक्क्यांपर्यंत परवानगी दिली जाईल. आयसीसी आणि स्पर्धेचे यजमान बीसीसीआय यांना यूएई सरकारकडून मंजुरी मिळाली आहे. त्याचबरोबर आयसीसी टी-२० विश्वचषकाच्या तिकिटांची विक्री सुरू झाली आहे. या स्पर्धेचा अंतिम सामना १४ नोव्हेंबरला दुबईत होईल.
आयसीसीचे कार्यवाहक मुख्य कार्यकारी अधिकारी ज्योफ अलार्डिस यांनी एका निवेदनात म्हटले आहे की, ओमान आणि यूएईमध्ये आंतरराष्ट्रीय क्रिकेटमध्ये चाहत्यांचे स्वागत करताना आम्हाला आनंद होत आहे. चाहत्यांना टी-२० विश्वचषक पाहण्याची संधी मिळेल. आमचे यजमान बीसीसीआय, एमिरेट्स क्रिकेट बोर्ड (ईसीबी) आणि ओमान क्रिकेट तसेच चाहत्यांनी सुरक्षित वातावरणात क्रिकेट पाहणे सुनिश्चित केल्याबद्दल स्थानिक सरकारांचे आभार.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

‘अशी’ आहे तिकिटे मिळवण्याची प्रक्रिया

पायरी १: टी-२० विश्वचषकाच्या अधिकृत वेबसाइटवर जा आणि खालील लिंकवर जा:

https://www.t20worldcup.com/tickets/buy-tickets

पायरी २: ‘तिकिटे खरेदी करा’ वर क्लिक करा आणि ठिकाण निवडा (अबुधाबी, दुबई, शारजाह, ओमान)

पायरी ३: रांगेत थांबा

जास्त मागणीमुळे, तुम्हाला रांगेत उभे केले जाऊ शकते जिथे तुम्हाला तिकिट बुकिंगच्या प्रक्रियेत पुढे जाण्यासाठी प्रतीक्षा करावी लागेल.

पायरी ४: तुमच्या ईमेल आयडी वरून लॉग इन करा

पायरी ५: तारीख आणि सामना निवडा

पायरी ६: स्टँड निवडा

पायरी ७: जागा निवडा आणि चेक आउट वर क्लिक करा

पेमेंट प्रक्रिया पूर्ण करण्यासाठी तुम्हाला १५ मिनिटांची विंडो मिळेल.

पायरी ८: तुमचा तपशील भरा (मोबाईल क्रमांक) आणि अटी आणि शर्ती स्वीकारा

पायरी ९: पेमेंट करा

क्रेडिट कार्ड (व्हिसा, मास्टरकार्ड) द्वारे पेमेंट करता येते.

पायरी १०: तुमचा ईमेल तपासा

तिकीटे तुमच्या नोंदणीकृत ईमेल आयडीवर पाठवली जातील.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Read how to buy icc t20 world cup 2021 tickets adn