लेकीच्या जन्मावेळी रोहित शर्मा पोहोचू शकला नाही, ‘हे’ दोन खेळाडू ठरले कारण; ५ वर्षांनी सांगितला मोठा प्रसंग

रोहित शर्मा २०१८ मध्ये पहिल्यांदा बाबा होणार होता आणि मेलबर्न कसोटीनंतर आपल्या मुलीच्या जन्मासाठी भारतात येणार होता पण तसे होऊ शकले नाही. रोहितला बोर्डाकडून सुट्टीदेखील मिळाली होती पण ऑस्ट्रेलियामुळे असं काही घडलं की त्याला येता आलं नाही आणि त्याच्या आयुष्यातील एक खास क्षण त्याला अनुभवता आला नाही.

हेही वाचा- IPL 2024: ‘गार्डनमध्ये फिरणाऱ्या मुला’च्या शतकानंतर रोहितने मैदानातच घेतली गळाभेट, यशस्वीने रोहितला पाहताच… VIDEO व्हायरल

भारत त्या कसोटी सामन्यात मजबूत स्थितीत होता आणि त्यांना विजयासाठी फक्त दोन विकेट्सची गरज होती आणि त्याचवेळी पॅट कमिन्स आणि नॅथन लायन यांनी १०० हून अधिक धावांची भागीदारी केली. या भागीदारीमुळे सामना संपण्यासाठी उशीर झाला. भारताने अखेरीस या सामन्यात विजय मिळवला पण रोहित खूप निराश होता, कारण वेळेत न पोहोचल्याने त्याला विमान पकडण्यास उशीर झाला होता आणि त्याच्या कुटुंबाजवळ तो वेळेवर पोहोचू शकला नव्हता. आपल्या पहिल्या बाळाच्या जन्माच्यावेळी पत्नीसोबत नसल्याची त्याला खंत वाटत असल्याचे त्याने सांगितले. सामना संपताच रोहित थेट मैदानातून विमानतळावर पोहोचला आणि विमानाने घरी परतला.