कर्णधार डॅरेन सॅमी आणि दिनेश रामदिन यांनी सातव्या विकेटसाठी रचलेल्या १०६ धावांच्या भागीदारीमुळे वेस्ट इंडिजला पहिल्या कसोटी सामन्यात झिम्बाब्वेवर आघाडी मिळवणे शक्य झाले. झिम्बाब्वेच्या पहिल्या डावातील २११ धावांचा पाठलाग करताना वेस्ट इंडिजची ६ बाद १५१ अशी अवस्था होती, पण या दोघांच्या अर्धशतकांच्या जोरावर वेस्ट इंडिजने पहिल्या डावात ३०७ धावांपर्यंत मजल मारली आणि ९६ धावांची आघाडी घेतली. सॅमीने या वेळी ८ चौकार आणि ४ षटकारांच्या जोरावर ७३ धावांची खेळी साकारली, तर रामदिनने ८ चौकारांच्या जोरावर ६२ धावा फटकावल्या. झिम्बाब्वेच्या कायले जार्विसने या वेळी ५४ धावांत ५ बळी मिळवले.
दुसऱ्या डावात झिम्बाब्वेची ३ बाद ४१ अशी अवस्था असून ते अजूनही ५५ धावांनी पिछाडीवर आहेत.
आर्काइव्हमधील सर्व बातम्या मोफत वाचण्यासाठी कृपया रजिस्टर करा
Already have a account? Sign in
First published on: 15-03-2013 at 01:48 IST
मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Sammy puts zimbabwe on the rack in first test