Travis Head Out: भारताच्या मिस्ट्री स्पिनरच्या जाळ्यात अडकला ट्रॅव्हिस हेड, वरूणच्या गोलंदाजीवर शुबमन गिलने टिपला शानदार झेल; VIDEO व्हायरल

ट्रॅव्हिस हेड वरुणचा कमालीचा चेंडू समजू शकला नही. ऑफ स्टंपच्या बाहेर जाऊन त्याने चेंडूवर मोठा फटका खेळण्याचा प्रयत्न केला. पण चेंडू टाईम झाला नाही आणि चेंडू हवेत गेला, शुबमन गिलने लाँग ऑफवर एक सोपा शानदार घेतला आणि भारताच्या सर्वात मोठ्या डोकेदुखीला पॅव्हेलियनचा रस्ता दाखवला.

याआधी मोहम्मद शमीच्या चेंडूवर ट्रॅव्हिस हेडला जीवदान मिळाले होते. मात्र वरुणच्या चेंडूतून हेड सुटू शकला नाही. सामन्यातील त्याच्या दुसऱ्या चेंडूवर वरुणने हेडला आपल्या जाळ्यात अडकवले. ऑस्ट्रेलियाच्या डावातील नववे षटक वरुणने टाकले. हेडला त्याच्या दुसऱ्या चेंडूवर मोठा फटका खेळायचा होता. हेडने वरुणचा चेंडू हवेत फेकला पण तो शुबमन गिलने झेलबाद केल्याने हेडचा डाव संपुष्टात आला. हेड ३३ चेंडूत ३९ धावा करून पॅव्हेलियनमध्ये परतला.

ट्रॅव्हिस हेडला ३ वेळा मिळालं जीवदान

सामन्याच्या पहिल्याच चेंडूवर ट्रॅव्हिस हेडला जीवदान मिळाले पण त्याचा जास्त काळ फायदा उठवता आला नाही. ऑस्ट्रेलियाच्या डावातील पहिलं षटक मोहम्मद शमीने टाकले. शमीच्या पहिल्याच चेंडूवर हेडने समोरच्या दिशेने एक फटका खेळला आणि शमीने तो पकडण्याचा प्रयत्न केला पण त्याच्या हातातून चेंडू सुटला.

शमीने हा झेल टिपला असता तर पहिल्याच चेंडूवर हेड माघारी परतला असता. याशिवाय हेड नंतर जडेजाच्या थ्रोवर धावबाद होण्यापासून वाचला. थेट थ्रो लागला असता तर हेड बाद झाला असता. यानंतर चेंडूची कड घेतलेला चेंडू थोडक्यात स्टंपवर लागल्यापासून वाचला आणि चौकार गेला पण वरूणच्या गोलंदाजीवर हेड नशीबवान ठरला नाही आणि भारताला विकेट मिळाली.