ट्वेन्टी-२० विश्वचषक स्पर्धा (महिला): भारतीय संघाची पाकिस्तानवर सरशी

पण, आक्रमक फलंदाज म्हणून ओळख निर्माण करणाऱ्या रिचाने जेमिमाला सुरेख साथ दिली. रिचा-जेमिमा जोडीने चौथ्या गडय़ासाठी ३३ चेंडूंतच ५८ धावांची नाबाद भागीदारी करताना भारताच्या विजयावर शिक्कामोर्तब केले. जेमिमाने आपल्या खेळीत ८ चौकार लगावले तर, रिचाने पाच चौकारांची आतषबाजी केली.त्यापूर्वी, प्रथम फलंदाजी करताना पाकिस्तानला कर्णधार बिस्मा मारुफ आणि आयेशा नसीम यांच्यामध्ये पाचव्या गडय़ासाठी झालेल्या ८१ धावांच्या नाबाद भागीदारीमुळे आव्हानात्मक धावसंख्या उभी करता आली. पाकिस्तानने चार फलंदाज ६८ धावांत गमावल्या. तरीही, त्यांची धावांची गती सहाच्या जवळपास राहिली होती. त्यानंतर मारुफ आणि नसीम यांनी आक्रमक खेळ केला. अखेरच्या चार षटकांत पाकिस्तानी जोडीला मोठे फटके न मारता आल्यामुळे त्यांची धावसंख्या मर्यादित राहिली. मारुफने ५५ चेंडूंत ७ चौकारांसह नाबाद ६८, तर नसीमने २५ चेंडूंत २ चौकार व २ षटकारांसह नाबाद ४३ धावांचे योगदान दिले. भारताकडून राधा यादवने २१ धावांत दोन बळी मिळवले. राधाला दीप्ती
शर्मा (१/३९) आणि पूजा वष्टद्धr(२२९कार (१/३०) यांनी चांगली साथ दिली.

संक्षिप्त धावफलक
पाकिस्तान : २० षटकांत ४ बाद १४९ (बिस्मा मारुफ नाबाद ६८, आयेशा नसीम नाबाद ४३; राधा यादव २/२१) पराभूत वि. भारत : १९ षटकांत ३ बाद १५१ (जेमिमा रॉड्रिग्ज नाबाद ५३,शफाली वर्मा ३३, रिचा घोष नाबाद ३१; नश्रा संधू २/१५)

सामनावीर : जेमिमा रॉड्रिग्ज