ऑलिम्पिक कांस्यपदक विजेता बॉक्सर विजेंदरसिंग याच्यावर पंजाब पोलिसांनी अमली पदार्थ सेवनाबद्दल केलेले गंभीर आरोप लक्षात घेता त्याने रक्त व केसांची वैद्यकीय तपासणीला सामोरे जावे, असा सल्ला त्याचे प्रशिक्षक जी. एस. संधू यांनी केला आहे.
विजेंदर याने रक्त व केसांची वैद्यकीय तपासणी करण्यास विरोध केला आहे. त्याबाबत संधू म्हणाले की, ‘‘विजेंदर याने पोलिसांना सहकार्य करीत आदर राखावा. पोलिसांनी यापूर्वीच विजेंदरचा सहकारी रामसिंग याच्या रक्ताचे व केसांचे नमुने घेतले आहेत. त्यामुळे विजेंदर यानेही ही चाचणी करून घ्यावी म्हणजे त्याच्यावरील आरोपांची शहानिशा होईल.’’