IND vs SA : विक्रमादित्य विराट..! शतकानं दिली हुलकावणी तरीही रचला महाविक्रम; क्रिकेटच्या देवाला टाकलं मागे!

दक्षिण आफ्रिकाविरुद्धच्या पहिल्या वनडे सामन्यात विराटनं ५१ धावांची खेळी केली.

Virat Kohli surpasses Sachin Tendulkar as the Most Runs scorer in ODIs in Away
सचिन तेंडुलकर आणि विराट कोहली

भारतीय संघाचा माजी कर्णधार विराट कोहलीने दिग्गज क्रिकेटपटू सचिन तेंडुलकरचा एक मोठा विक्रम मोडला आहे. दक्षिण आफ्रिकेविरुद्धच्या पहिल्या वनडेत विराटने अर्धशतक ठोकले. विराट आता विदेशी मैदानावर वनडेमध्ये सर्वाधिक धावा करणारा भारतीय फलंदाज बनला आहे. त्याने या बाबतीत सचिनला मागे टाकले.

सचिनने विदेशी मैदानावर १४७ सामन्यांत ५०६५ धावा केल्या. सचिनने १२ शतके आणि २४ अर्धशतके होती. त्याची सरासरी ३६.२४ होती. सचिनची विदेशात खेळताना सर्वोच्च धावसंख्या नाबाद १६३ होती. कोहलीने तेंडुलकरपेक्षा ३९ वनडे कमी खेळले आहेत. विदेशात खेळलेल्या १०८ सामन्यांमध्ये सर्वाधिक धावा करण्याचा विक्रम आता त्याच्या नावावर आहे.

हेही वाचा – “कॅप्टन बनल्यानंतर सुरुवातीला विराटला खूप…”, कोहलीच्या प्रशिक्षकानं केला ‘मोठा’ खुलासा!

विराट कोहलीने माजी कर्णधार सौरव गांगुली आणि प्रशिक्षक राहुल द्रविड यांनाही मागे टाकले आहे. दक्षिण आफ्रिकेविरुद्ध वनडेमध्ये सर्वाधिक धावा करण्याच्या बाबतीत त्याने या दोन्ही दिग्गजांना मागे टाकले आहे. पार्ल येथे खेळताना विराटने ३ चौकारांसह ५१ धावा केल्या. तो पुन्हा एकदा शतक ठोकण्यात अपयशी ठरला. फिरकीपटू तबरेझ शम्सीने त्याला टेंबा बावुमाकरवी झेलबाद केले.

विदेशी भूमीवर सर्वाधिक धावा (ODI)

  • कुमार संगकारा – ५५१८ धावा
  • विराट कोहली – ५१०८ धावा
  • रिकी पाँटिंग – ५०९० धावा
  • सचिन तेंडुलकर – ५०६५ धावा

विदेशी भूमीवर भारतासाठी सर्वाधिक धावा (ODI)

  • विराट कोहली – ५१०८ धावा
  • सचिन तेंडुलकर – ५०६५ धावा
  • महेंद्रसिंह धोनी – ४५२० धावा
  • राहुल द्रविड – ३९९८ धावा
  • सौरव गांगुली – ३४६८ धावा

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Virat kohli surpasses sachin tendulkar as the most runs scorer in odis in away adn

Next Story
“कॅप्टन बनल्यानंतर सुरुवातीला विराटला खूप…”, कोहलीच्या प्रशिक्षकानं केला ‘मोठा’ खुलासा!
फोटो गॅलरी