योगस्नेह : उष्ट्रासन

कृती :

* सुरुवातीला वज्रासनात बसा. त्यानंतर गुडघ्यांवर उभे राहा. साहजिकच पाय मागे राहतील.

*  आता दोन्ही हात समोर न्या. त्यानंतर हात कानावरून मागे घ्या. त्यानंतर शरीराचा पुढील भाग हळूहळू मागे झुकवण्याचा प्रयत्न करा. त्यानंतर हातही पूर्णपणे मागे न्या.

*  आता हातांनी टाच पकडण्याचा प्रयत्न करा. मानही मागे वळवा आणि डोकेही मागे न्या. तुमचे शरीर आता मागच्या बाजूला झुकलेले असेल.

*   या आसनातून बाहेर येताना दोन्ही हात एकाच वेळी पुन्हा पुढे येतील आणि त्यानंतर वज्रासनातून बाहेर या.