Keep Bananas Fresh Longer: सोशल मीडियावर कायमच अनेक व्हिडीओ व्हायरल होत असतात. सोशल प्लॅटफॉर्म व्हायरल व्हिडीओंचा खजिना आहे हे म्हणणे वावगे ठरणार नाही. कधी लोकांचे अनोखे जुगाड पाहायला मिळतात. तर कधी लोकांना आश्चर्यचकित करणारे व्हिडीओ पाहायला मिळतात. व्हायरल होत असलेल्या या महिलेच्या व्हायरल व्हिडीओने आता अनोखा जुगाड दाखवला आहे. हा व्हिडीओ सोशल मीडियावर पोस्ट करण्यात आला आहे. गृहिणींकडे काही ना काही घरगुती जुगाड असतात. अशाच एका गृहिणीने हा जुगाड दाखवला आहे. तिने आपल्या यूट्यूब चॅनेलवर हा व्हिडीओ पोस्ट केला आहे.
महिलेने केळी आणि पेनाचा भन्नाट असा जुगाड शेअर केला आहे. पेन आणि केळी याचा काय जुगाड असेल, हे वाचून तुम्हीही विचारात पडले असाल ना. या व्हायरल व्हिडीओमध्ये एक हटके ट्रिक सांगितली आहे. या ट्रिकच्या मदतीने केळी खराब होणार नाहीत, केळी जास्त काळ ताजी ठेवण्याची युक्ती महिलेने सांगितली आहे. केळे हे असे फळ आहे, जे दीर्घकाळ टिकू शकत नाही. फळे चांगली राहण्यासाठी ती फ्रिजमध्ये ठेवतो. मात्र, केळी फ्रिजमध्ये ठेवता येत नाहीत. अशात ती बाहेर ठेवल्यास काळी पडून खराब होतात. केळी लवकर खराब होऊ नये यासाठी हा प्रयोग नक्की करून पाहा, असे महिलेचे म्हणणे आहे.
तुम्हाला नेमकं काय करायचं?
महिलेने व्हिडीओमध्ये सांगितल्यानुसार, केळ्यांचा एक घड घ्यायचा आहे. त्यानंतर एक पेन घेऊन त्याला एक दोरी बांधायची आहे. दोरी पेनाच्या मधोमध बांधायची आहे. मग ही दोरी केळ्यांच्या घडाच्या मध्यभागातून दुसऱ्या बाजूने बाहेर काढायची आहे. दोरीला असलेला पेन केळ्यांच्या घडाला अडकेल आणि दोरी व्यवस्थितपणे अडकली जाईल. त्यामुळे तुम्ही केळ्यांचा घड कुठेही लटकवून ठेवू शकता. त्यामुळे तुमची केळी खराब होणार नाहीत, केळी कुठेही खाली ठेवल्याने त्यावर दाब पडल्याने वरच्या खाली असलेली केळी खराब होऊ शकतात. त्यामुळे केळी खाली ठेवण्याऐवजी पेन आणि दोरीच्या साह्याने लटकवून ठेवल्याने दाब त्यावर पडणार नाही. त्यामुळे तुमची केळी खराब होणार नाहीत, असे महिलेचे म्हणणे आहे.
येथे पाहा व्हिडीओ
Priti Rasoi या यूट्यूब चॅनेलवर हा व्हिडीओ पोस्ट करण्यात आला आहे. हा जुगाड तुम्हीही नक्की ट्राय करून पाहा आणि खरंच याचा फायदा तुम्हाला झाला का, ते आम्हाला कमेंट करून कळवा.
(Disclaimer: या लेखात देण्यात आलेली माहिती सोशल मीडियावरील व्हायरल झालेल्या व्हिडीओवर आधारित आहे. लोकसत्ता याची पुष्टी करीत नाही.)