क्षयरोगाच्या उपचारादरम्यान औषधांसोबत जीवनसत्त्व सीदिल्याने उपचाराचा कालावधी कमी करण्यास मदत होत असल्याचा दावा एका अभ्यासात करण्यात आला आहे. क्षयाच्या रोगजंतूंना लवकर नष्ट करण्यास जीवनसत्त्व सीऔषधांना मदत करतात.
अल्बर्ट आइनस्टाइन वैद्यकीय महाविद्यालयातील संशोधकांनी केलेल्या प्रयोगात मायक्रोबॅकटीरियम क्षयावर क्षयरोगविरोधी औषधे किंवा जीवनसत्त्व सी आणि औषधे, जीवनसत्त्व ‘सी’ एकत्रितपणे वापरण्यात आले. मायक्रोबॅकटीरियम क्षयरोग असणाऱ्यांच्या अवयवांना उपचारानंतरदेखील चार ते सहा आठवडे त्रास सहन करावा लागतो. क्षयरोगाच्या उपचारादरम्यान जीवनसत्त्व ‘सी’ स्वत:हून कोणतीही भूमिका बजावत नसून आयसोनायझाइड, रिफाम्पिसिन या औषधांसह जीवनसत्त्व सी दिल्याने अवयवांवरील ताण लवकर कमी होत असल्याचे संशोधकांना एका प्रयोगात आढळले. संक्रमण झालेल्या पेशींवर केलेल्या प्रयोगातदेखील अशाच प्रकारचे परिणाम आढळून आले. तसेच पेशींच्या प्रभावलोपनाचा कालावधी सात दिवसांनी कमी झाला असल्याचे संशोधकांनी म्हटले.
क्षयाच्या उपचारादरम्यान जीवनसत्त्व ‘सी’ चा समावेश केल्यास मायक्रोबॅकटीरियम क्षयरोग कमी कालावधीत नष्ट होऊ शकतो. त्याचप्रमाणे क्षयरोगाच्या किमोथेरपीचा कालावधी कमी करण्यास मदत होऊ शकते, असे अभ्यासाचे मुख्य अन्वेषक विल्यिम आर जेकब्स् यांनी म्हटले. औषधांना संवेदनक्षम असणाऱ्या क्षयरोगाच्या उपचारासाठी सहा महिन्यांचा कालावधी लागतो, यामध्ये उपचार नियोजनात दोष किंवा रोगाच्या प्रतिकारक क्षमतेत वाढ होऊन त्याचा फैलाव होण्याची शक्यता असते असे जेकब्स् यांनी सांगितले. क्षयरोग हा जगातील सर्वात मोठय़ा आरोग्य समस्यांपैकी एक आहे.
२०१६मध्ये एक कोटीपेक्षा जास्त लोक क्षयरोगाने ग्रस्त असून १७ लाख लोकांचा मृत्यू झाला आहे. हा अभ्यास ‘अ‍ॅण्टिमायक्रोबियल एजंट्स अ‍ॅण्ड किमोथेरेपी’ या नियतकालिकात प्रसिद्ध करण्यात आला आहे.