प्रियकराने लग्नास नकार दिल्याने प्रेयसीची पाण्याच्या टाकीवर चढून विरूगिरी!

प्रियकराने लग्नास नकार दिल्याने चंद्रपूरमधील एका मुलीने मंगळवारी ‘शोले’स्टाईल विरूगिरी करीत चक्क पाण्याच्या टाकीवर चढून आत्महत्येची धमकी दिली. चंद्रपूर जिल्ह्यातील दुर्गापूरमधील वेकोली कॉलनीमध्ये हा प्रकार घडला.
संबंधित मुलीचे एका मुलावर प्रेम आहे. गेल्या काही वर्षांपासून दोघांमध्ये प्रेमसंबंध आहेत. मात्र, प्रियकराने तिच्यासोबत लग्न करण्यास नकार दिला. यामुळे चिडलेल्या तरुणीने कॉलनीतील इमारतीच्या पाण्याच्या टाकीवर चढून सर्वांचे लक्ष वेधले. मुलाने लग्न करण्यास होकार दिल्यावरच आपण खाली उतरू, असे तिने म्हटले आहे. या घटनेमुळे परिसरात बघ्यांची मोठी गर्दी जमली आहे. या ठिकाणी पोलीसही दाखल झाले असून, ते मुलीला खाली उतरविण्यासाठी प्रयत्न करताहेत.