आठ वर्षांच्या मुलाचा साधूकडून खून

वैजापूर तालुक्यातील दहेगाव येथे एका साधूने आठ वर्षांच्या मुलाचा कुऱ्हाडीने खून केला. त्यामुळे चिडलेल्या जमावाने साधूवर हल्ला केल्याने त्याचाही मृत्यू झाला. ही घटना शुक्रवारी दुपारी ४ वाजण्याच्या सुमारास घडली. गुप्तधनापोटी मुलाला मारले असावे, असा गावकऱ्यांचा संशय आहे. मृत मुलाचे नाव महेश उगले, असे आहे. या घटनेनंतर औरंगाबाद ग्रामीण विभागाचे पोलीस निरीक्षक नवीनचंद्र रेड्डी, पोलीस उपविभागीय अधिकारी हर्ष पोतदार, अतिरिक्त पोलीस अधीक्षक जी. श्रीधर यांनी घटनास्थळाला भेट दिली. मात्र मुलाचा खून कोणत्या कारणाने झाला, याबाबत साशंकता असल्याचे सांगितले. या घटनेमुळे वैजापूर परिसरात खळबळ उडाली आहे.