सोलापूर: आकर्षक परताव्याचे आमिष दाखवून गुंतवणूकदारांची फसवणूक

हेही वाचा : Ratan Tata : “मग कुत्रे कुठे जातील?”, बॉम्बे हाऊसच्या नुतनीकरणावेळी रतन टाटांना चिंता; एन. चंद्रशेखर यांनी शेअर केली जिव्हाळ्याची आठवण!

आरोपी अशोक करडुले व इतरांनी क्युस्टरा फायनान्स, क्यू पे आणि आलियन्स सोल्युशन या तीन वेगवेगळ्या कंपन्यांच्या नावाने ओळखीच्या व्यक्तींना गाठून आर्थिक गुंतवणूक करण्याची योजना राबविली. आकर्षक परतावा देण्याचे आमिष दाखवून गुंतवणूकदारांना कंपन्यांमध्ये गुंतवणूक करण्यास आकृष्ट करण्यात आले. त्यानुसार फिर्यादी अमित रणनवरे यांच्यासह नागनाथ पांडुरंग जानकर, शिवाजी ठवरे, ज्योतीराम नलवडे, अजित कदम, एन. डी. खरात, अनिस मुलाणी, चैतन्यकुमार देवकते, राहुल देशमुख, शशिकांत रणनवरे, रोहित भुजबळ आणि इतरांकडून मिळून एकूण एक कोटी १३ लाख ३३ हजार रुपये गुंतवण्यात आले. त्यानंतर सुरुवातीला नागनाथ जानकर व त्यांच्यामार्फत जोडले गेलेल्या गुंतवणूकदारांना मुद्दल आणि परतावा मिळून १४ लाखांची रक्कम कंपनीने दिली. परंतु नंतर उर्वरित ९७ लाख ४८ हजार रुपयांच्या देय रकमा गुंतवणूकदारांना परत करण्यास कंपनीने टाळाटाळ सुरू केली. यात संबंधितांनी जबाबदारी ढकलली. हा फसवणुकीचा प्रकार असल्याचे लक्षात आल्यानंतर शेवटी गुंतवणूकदारांनी पोलीस ठाण्यात धाव घेतली. कंपनीच्या संबंधित संचालकांचा पोलीस शोध घेत आहेत.