प्रसिद्ध बांधकाम व्यावसायिक बियाणी यांच्या हत्येतील सहा आरोपींना अटक करण्यात नांदेड पोलिसांना यश आले आहे. नांदेड परिक्षेत्राचे विशेष पोलीस महानिरीक्षक निसार तांबोळी यांनी आज पत्रकार परिषदेत ही माहिती दिली आहे. या हत्येमागे पाकिस्तानात असलेला खलिस्तानी दहशतवादी हरविंदर सिंग रिंदा याचा हात आहे.
आरोपींना दहा दिवसांची पोलीस कोठडी
पंजाब, दिल्ली, हरियाणा,उत्तर प्रदेश, तेलंगणा, आणि कर्नाटक या सहा राज्यात आरोपींचा शोध घेण्यात आला पकडण्यात आलेले इंदरपालसिंग उर्फे सनी मेजर, मुक्तेश्वर उर्फ गोलू मंगनाळे, सतनामसिंग उर्फ सत्ता शेरगिल, हरदिपसिंग उर्फ सोनू बाजवा, गुरुमुखसिंग गिल, करणजितसिंघ साहू आरोपींचे नावं आहेत. सर्व आरोपी हे मुळचे नांदेडचे असल्याची माहितीही तांबोळी यांनी दिली. या प्रकरणात आणखी आरोपींचा सहभाग आहे. तसेच बियाणींवर गोळीबार करणारे अद्याप पोलिसांच्या हाती लागले नाहीत. खंडणीसाठीच बियाणींची हत्या झाल्याचा पोलिसांचा निष्कर्ष आहे. दरम्यान सहाही आरोपींना न्यायालयाने दहा दिवसाची पोलीस कोठडी सुनावली आहे.