लोकसत्ता प्रतिनिधी
सातारा : साताऱ्यातील कोरेगाव मतदार संघात मुख्यमंत्री लाडकी बहीण योजनेच्या आमदार महेश शिंदे यांच्या वक्तव्यावर टीका करणारा फलक आमदार शशिकांत शिंदे यांच्या कार्यकर्त्यांनी उभारल्याचा राग आल्याने आमदार शिंदे यांच्या कार्यकर्त्यांनी तो फलक फाडला. यामुळे दोन्ही गटाच्या कार्यकर्त्यांमध्ये तणाव निर्माण झाला. दोन्ही गटाच्या कार्यकर्त्यांमध्ये वाद झाल्याने पोलीस बंदोबस्त वाढविण्यात आला आहे.
आमदार महेश शिंदे यांनी नुकतेच ‘लाडकी बहीण योजने’ची डिसेंबर महिन्यात तपासणी होणार असून निवडणुकीत मतदान न करणाऱ्या बहिणींची नावे कमी करण्यात येणार असल्याचे वक्तव्य केले होते. यावरून मतदार संघात अंबवडे चौकासह काही ठिकाणी त्यांच्या विरोधात आमदार शशिकांत शिंदे यांच्या कार्यकर्त्यांनी फलक लावले होते. त्यावरील मजुकर न आवडल्याने हे फलक फडण्यात आले. हे महेश शिंदे यांच्या समर्थकांनी फाढल्यामुळे वादाचा प्रसंग तयार होत तणावाची परिस्थिती तयार झाली. यामुळे पोलिसांनी बंदोबस्त वाढवला आहे.
© The Indian Express (P) Ltd