महिला दिनानिमित्त ‘आता थांबायचं नाय!’चा टीझर

सत्यघटनेवर आधारित ‘आता थांबायचं नाय!’ या शिवराज वायचळ दिग्दर्शित या चित्रपटात भरत जाधव, सिद्धार्थ जाधव, प्राजक्ता हनमघर, किरण खोजे, प्रवीण डाळिंबकर, ओम भुतकर, पर्ण पेठे, रूपा बोरगांवकर आणि आशुतोष गोवारीकर यांच्या प्रमुख भूमिका आहेत. महिला सक्षमीकरणावर आधारित या चित्रपटाचा आशय आणि भूमिका यासंदर्भात बोलताना रोहिणी हट्टंगडी म्हणाल्या, ‘मला वाटतं जितकं एक स्त्री दुसऱ्या स्त्रीला समजून घेऊ शकते तितकं अजून कोणीच घेऊ शकत नाही. आज ती प्रत्येक क्षेत्रात पुढे आहे, सर्वांना सोबत घेऊन प्रगती करते आहे. टीझरमध्ये दाखवल्याप्रमाणे, खास महिलादिनी आपण निश्चय करूया की आपण असंच एकमेकांना समजून घेत एकमेकांच्या प्रगतीचे आणि समृद्धीचे खुल्या मनाने साक्षीदार होऊया.’ तर ‘आजची स्त्री सक्षम आणि सबळ आहेच, तिला अपेक्षा आहे ती फक्त प्रोत्साहनाची. एका दिवसाच्या शुभेच्छांनी जग बदलणार नाही. त्प्रत्येक स्त्रीला रोज मिळणाऱ्या आदरपूर्वक वागणुकीने बदल नक्कीच घडू शकतो’, असं मत पर्ण पेठे हिने व्यक्त केलं.