केदार शिंदे दिग्दर्शित ‘बाईपण भारी देवा’ चित्रपट ३० जूनला प्रदर्शित झाला. हा चित्रपट प्रदर्शित होऊन चार आठवडे पूर्ण झाले आहेत. या चित्रपटाने आतापर्यंत बॉक्स ऑफिसवर ६० कोटींहून अधिकचा गल्ला जमवला आहे. तसेच या चित्रपटाने अनेक रेकॉर्डही ब्रेक केले आहेत. नुकतंच एका १०५ वर्षांच्या आजींनी हा चित्रपट पाहिला आणि तो कसा वाटला, याबद्दल प्रतिक्रिया दिली आहे.
केदार शिंदेंनी नुकतंच इन्स्टाग्रामवर एक व्हिडीओ शेअर केला आहे. या व्हिडीओत एक १०५ वर्षांच्या आजी दिसत आहेत. त्यांनी हा व्हिडीओ शेअर करत त्यांना हा चित्रपट कसा वाटला, याबद्दल सांगितले आहे.
आणखी वाचा : ‘बाईपण भारी देवा’ नाकारणाऱ्या निर्मात्याने केदार शिंदेना केला मेसेज, म्हणाला “माझी बस चुकली, पण…”
“मला हा चित्रपट खूप खूप आवडला. तुम्हाला माझा आशीर्वाद. तुम्ही खूप खूप मोठे व्हा आणि असेच पुढे जात राहा”, असे त्या आजींनी म्हटले आहे. सध्या त्यांचा हा व्हिडीओ सोशल मीडियावर व्हायरल होत आहे.
आणखी वाचा : “बाईपण भारी दाखवायला लोक पुढे येतील, पण पुरुषांचं…”; अशोक सराफ यांचं स्पष्ट वक्तव्य
“आणखीन काय हवंय आयुष्यात? वय वर्षे १०५.. थिएटर मध्ये येऊन सिनेमा पाहिला. आणि त्याची प्रतिक्रिया सुध्दा कळवली. आजी ROCKS”, असे कॅप्शन केदार शिंदेंनी या व्हिडीओला दिले आहे.
केदार शिंदेंनी शेअर केलेल्या या व्हिडीओवर सुकन्या मोने आणि सावनी रविंद्र या दोघींनी प्रतिक्रिया दिली आहे. त्या दोघींनीही हार्ट आणि हात जोडण्याचे इमोजी शेअर करत यावर कमेंट केली आहे.