अभिनेत्री जिनिलीया देशमुख आणि अभिनेता रितेश देशमुख यांची जोडी मनोरंजन विश्वात प्रचंड लोकप्रिय आहे. रितेश-जिनिलीयाच्या ‘वेड’ चित्रपटाने बॉक्स ऑफिसवर दमदार कमाई करत सर्व रेकॉर्ड्स मोडले होते. ‘वेड’समोर बॉलीवूडचे भलभले चित्रपट फ्लॉप ठरले. दरम्यान, ‘वेड’ चित्रपटाच्या चाहत्यांसाठी अभिनेता रितेश देशमुखने आनंदाची बातमी दिली आहे.
हेही वाचा : “ऑनस्क्रीन किसिंग सीन शूट करताना…”, चित्रपटातील भूमिकांविषयी जिनिलीया देशमुखने मांडलं स्पष्ट मत
रिजेश-जिनिलीयाचा हा गाजलेला चित्रपट पहिल्यांदाच टीव्हीवर दाखवण्यात येणार आहे. रितशने यासंदर्भात इन्स्टाग्राम पोस्ट शेअर करत माहिती दिली आहे. ‘वेड’ चित्रपटाचा ‘वर्ल्ड टेलिव्हिजन प्रीमियर’ शो २० ऑगस्टला असणार आहे. ‘स्टार प्रवाह’ वाहिनीवर प्रेक्षकांना संध्याकाळी ७ वाजता या चित्रपटाचा आनंद घेता येईल.
चित्रपटगृह आणि ओटीटीनंतर ‘वेड’ टेलिव्हिजन प्रीमियरसाठी सज्ज झाला आहे. या चित्रपटाद्वारे जिनिलीयाने प्रथमच मराठी चित्रपटसृष्टीत पदार्पण केले होते. त्यामुळे अभिनेत्रीचे सर्व स्तरांतून कौतुक करण्यात आले. मराठी चित्रपटसृष्टीत ७५ कोटींहून अधिक कमाई करणारा ‘सैराट’नंतर हा दुसरा चित्रपट ठरला.
हेही वाचा : पावसाळ्यात निवेदिता सराफ यांना करायला आवडतं ‘हे’ काम; म्हणाल्या, “पहाटे पाच वाजता उठून…”
दरम्यान, ‘वेड’ चित्रपटात रितेश देशमुख आणि जिनिलियासह अभिनेते अशोक सराफ, शुभंकर तावडे, जिया शंकर या कलाकारांनीही महत्त्वाच्या भूमिका साकारल्या आहेत. ‘वेड’ चित्रपटगृहात ३० डिसेंबर २०२२ रोजी, तर ओटीटी प्लॅटफॉर्म ‘डिस्ने प्लस हॉटस्टार’वर २८ एप्रिल २०२३ ला प्रदर्शित करण्यात आला.